兩日一夜澳門遊

講返D近期少少既事,

就係上星期同中學同學們去左澳門兩日一夜,

實不相瞞, 澳門我只係去過一次,

仲要成7,8年前, 當時連威尼斯人條運河都未有水(!),

而且當日仲好死唔死有咩的士罷工(!!)慢駛大塞車,

更係即日來回, 所以係乜都無做咁就返左香港啦。

今次有兩日一夜, 終於可以同朋友仔開開心心咁玩,

去澳門有咩好玩? 不外乎食下野同埋賭下錢咁。

五條友去都無人有錢嬴既傷心事就算啦,

當自己去左唱K睇戲。

不過可能真係太多大陸人去,

我見到好多地方都係有殘體字,

無正體字架喎, 特別咩威尼斯人入面就係一個例子,

我上到d發財巴又係得殘體字,

我好seven咁問朋友「澳門係咪用殘體字??」,

佢地話「緊係唔係啦!」真撞鬼,

仲有d服務人員又係開口埋口講國語,

我唔會答佢地野, 哼!!

至於食野呢, 就一落船食到上船咁滯,

真係去到第一時間唔係去CHECK-IN而係去官也街食野。

由10:30am落船食到3,4點先返酒店,

廢話無謂講啦, 去相!!

大家睇相係咪已經FEEL到好曬好熱呢?? 

咁熱緊係食返個榴槤雪糕, 呢個堅好味又有果肉, 我揀左金枕頭, 最貴係佢

D24 HKD38 但呢個就要HKD68  

其實我地仲去左食水蟹粥架, 但我地太餓竟然無人有影相就食曬落肚

再去左食燕窩蛋Tart作甜品

仲有木槺布甸

食到都好飽既情況下仲去左食翅

唔知點解個湯好似楜椒豬肚湯味

可能因為迎合大陸人口味, 澳門好多d金碧輝煌既酒店

去左好幾間酒店同賭場參觀 (順便撘下發財巴嘛)

不過因為都係金光閃閃咁, 所以都無謂影同提啦

個人比較鐘意行galaxy, 無咁金而且幾好行

返到酒店, 抖一抖我地去左漁人碼頭行下咁,

個到有outlets, 嘩, 同行兩位友人已經係我地去廁所短短時間又買左鞋又買左袋又買埋scarf咁,

真係唔可以睇少女人的實力。

漁人碼頭都係人工野, 而且都係d咩彷歐洲埸景,

除左一齊影下白痴相之外, 我真係不太欣賞,

見到有人影婚紗相, 都戥佢地辛苦。

夜晚去左食葡萄牙菜, 朋友們都話好咸, 要狂飲水

我就覺得okay, 可以接受既, 一餐半餐

而且之前聽d歐洲朋友講, 意大利,西班牙同葡萄牙因為夏天好熱, 日照又特別長,

佢地好夜先食晚飯, 因為日落後涼少少先有胃口,

而且因為要開胃, 佢地亦習慣d食物整到好濃味咁話喎。 

馬架休炒菜, 送飯唔錯 

呢個就真係幾咸, 不過都好味

呢個腸就超咸啦, 個d olive係俾你一齊食balance返

燒魚, 好美唷~~

呢個梳夫里大到成個頭咁, 真係好味

但唔係我畸既, 因為人人都話梳夫里好食,

我就偏偏要試其他野

我就醒呢, 點左咖啡布甸,

好好好好好味!!! 

好香濃, 有d似細個食個隻"彩施糖"。

再去酒店途中, 我地有幸係唔洗迫人既情況下於巴士上睇左煙花表演,

好靚喔!!

移動中的巴5, 望落張相好似有effect咁, 哈哈!

係朋友影架, 佢帶左靚相機去~~ 

由於塞塞地車, 所以可以慢慢欣賞夜景

靚麼???

晨早起床空氣清新開朗

大家都忘記前一晚輸錢既頹事,

一齊出發去食好西!!

(呢幾舊野令我想起london個碌疑似男性器官建築, 究竟係邊位天才諗出黎?)

一早就去左大三巴附近食蝦子撈麵, 正

但一致認為個南乳豬手仲正, 食完又唔口渴

然後就行去手信街, 一路都係試食試食, 食到傻,

唔係我地要試架, 係d人塞埋黎飛入我地個口架

我麻麻地呢d乾爭爭的餅,

所以買左榴槤味蛋卷孝敬媽咪

唔係去香港一街都有蕭生個間喎,

係英記, 朋友仲買左佢地的豬肉乾,

我都覺得好食過鉅記, 食落唔只惹味仲好juicy

口感好好!

之後我地緊係去左澳門landmark -- 大三巴牌坊

但因為太熱, 無人想行上去,

於是係下面hea 影合照,

再行街街(!) 

咁都俾我買到野

我好鐘意呢d咁大既太陽眼鏡,

呢個係韓國野, 唔出名, 但就幾好戴,

好貼面得來唔會hi花個妝呀,

而且好難得無係咁跌返黎囉,

我之前戴個副ray ban,個面形似乎唔多岩我,

成日跣返落鼻樑, 好煩

四圍行, 又無啦啦落雨,

行左去附近教堂避一避雨啦 

喜歡呢d舊有建築物多過d金"殘殘"的野囉 

雨後十字架

由於有排都未夠鐘撘船,

又唔想熱, 就去左間樓上cafe坐

仲玩左一舖game

涼完冷氣, 經過左盧家大院,

可以免費參觀,

呢個地方我幾鐘意

喜歡佢中西合壁的設計 

呢個窗花又係好正, 見到佢寫住富貴榮莘嗎?

間屋既設計係可以有冬暖夏涼的效果,

真係好勁, 唔洗冷氣都唔熱 

而且呢種有中式味道的stained glass真係好靚

係到賞花飲茶就正啦

ps: 有d相係友人影架, 佢部機靚d。

之後因為太熱加上同行友人突然唔舒服, 嘔左幾次,

我地都係唔好四圍几咁辛苦, 去左galaxy 逗留玩下大細機(淨係識玩呢樣咋我地),

同埋係個到食d野就準備撘船返香港啦(都好夜下),

一班朋友出去玩, 就算兩日一夜都好開心。