科隆的貓貓cafe

呢一日天朗氣晴, 幾好行架,

今次去科隆男友知我喜歡貓,
帶我去左當地一間貓貓Cafe, 哈哈!!

呢間cafe坐位唔多, d客人都唔會亂逗d貓貓,

食物選擇不多, 都係食下cake或輕食咁。

因為時間仲早, 客人唔多, 裝修都好有屋企feel

有貓咪玩具俾客人拎黎玩 (如果貓咪理你的話......) 

呢間野好有心思為大家介紹店內的貓,

人地唔會為左做生意養好多貓, 

更唔會有貓bb係到。 

貓咪係好易有壓力同怕生的動物,

所以一唔耐煩就可以返自己房抖抖~~

家人及朋友之前都去過日本同台灣的貓cafe,

外國人做生意唔會好似香港個d咁迫d貓咪同俾貓BB人玩俾人亂抱。

係香港我多年前去過cwb一間,
叫"阿貓地攤",
應該係香港第一間貓cafe??
感覺幾好, 因為睇得出d店員對貓咪有心仲識照顧d貓。

食完野, 去左四圍行,

當然會經過科隆大教堂啦,

都有入去抖涼, 因為真係好熱囉。

之後去左行公園,

個日有喜年華,

所以好多地方都封左,

唯有係草地食下熱狗嘆下啤酒,

再曬曬太陽。

霸個靚位等睇野~~

仲唔肯返屋企,

點解??

因為當晚有煙花表演, 等左一兩個鐘之後,

終於睇到煙花,

都幾好睇, 不過都係燒錢活動,

所以我興趣不太大,

只係難得係外國睇到就睇啦, 哈哈!!