近日愛用

係完成大阪同德國遊記之前,

我要記底一下自己最近有咩係超愛用同買完沾沾自喜既東西!

本來我屋企淨係會擺香薰座係廁所啦,

因為個妹就有鼻敏感唔鐘意呢D香噴噴野,

直到上兩個星期有日唔知做乜屋外面傳左陣勁臭既怪味入房,

仲LAST左成半日,

我就將廁所個香薰座吼個妹唔係屋企時放入房開左陣冷氣,

除左無晒陣臭味之外, 仲令我覺得「呀, 間房有陣香味又幾好喎」。

最後買左呢個香薰座, 依家間房成日有陣香味,

個妹又好似唔察覺喎, 嘿嘿~~~

另一樣, 當然係我依家個Laptop啦,

仲有咁多野送tim!! 正!!

依家訓覺前就用佢同男友玩skype仲有就係上youtube睇野,

係, 我真係好鐘意係youtube睇埋d無營養既野(!!)

仲有上d channel溫習下法文咁,

最近因為我錯過左報名,未可以上德文班住,

所以都係上網學下啦! :p

呢個就可以帶返香港歎啦,係煎茶!

我平時鐘意飲咖啡多,

茶呢, 就好阿叔咁like普洱, 夠正氣嘛(阿伯上身),

綠茶就麻麻, 特別係咩洛神花個d呢我會暈 (真係虧),

不過呢個煎茶就okay喎, 又好飲,

而且呢d無咖啡同紅茶咁濃, 

多飲都唔怕飲到牙黃嘛!!

個包裝又靚, 留返黎飲晒之後裝返d玫瑰花飲,

拿, 唔係自打嘴巴, 玫瑰花茶女仔飲好架,

我飲左幾年, m到係唔痛架喎!!

(開始步入注重養生既年紀)

呢個對住歐洲既blog友黎講就唔係咩特別野,

咁話說我上個月去德國時有同事請我幫忙搵返佢平時上網搵人代購既護膚品,

但可惜我去DM又好Drug shop又好,

都搵唔到佢想要個抗敏精華同cream,

有都只係唔同牌子既, 而且訂,

但我又驚同事唔啱洗, 所以就無謂勉強。

不過, 我就見到呢個DM自家產品,

又勁抵喎, 只係3-5歐咋!

我買黎做手信俾朋友好過買個隻德國花花hand cream啦,

個個去德國都買個隻hand cream, 試下新野!

友人試左個eye cream之後話好好用,

唔立, 保濕仲好吸收!

搞到我勁後悔無買多幾支。

因為我上網睇返,

嘩, 居然香港代購竟然賣$220-300不等,

食水極深,我考慮下次去走水貨(!!)哈哈!!

**我唔敢叫男友下次來港時幫我買,

因為搵男人買呢d野係可以錯到離晒大譜。

話說朋友有令叫佢個法國男友買mask,

佢拎住張相都仲可以買錯左洗面奶,

我朋友一個不慎(因為全法文又同樣色喎),

厚"full"完之後個面又"拿"又紅!**

而我相信我男友都會做出d咁既蠢事,

所以都係靠自己去托返黎啦!!

再黎多樣扮靚野,

左起呢個係泰國beauty buffet買既爉筆唇膏,

係我去大阪之前我係成日會用, 雖然好易甩色,

不過, 由於去完日本曬到阿爸都唔認之後,

我用呢個唇就「賓味濃」(!!)

另外一枝eyeliner我係hk log-on見到賣$155,

台北時入貨了一枝咁大把,約$10x-11x, 平幾廿蚊,

夏天咁熱出油都唔甩色又好畫喎,

勁想買多幾枝啦!!

去到日本, 阿媽呀, 只係昋港一半既價錢, 即刻再掃!!! 

如果有化開妝既貪靚豬, 去開日本可以入手!!

最後一盒就係台灣買既sofina粉,

無色的, 用來定妝, 超控油,

我係混合性肌膚,

夏天T-zone位係出油小寶貝(想點?),

但用左真係可以last到半日, 唔洗成日補妝或者印塊面囉!!

(台灣先有呢個粉架, 聽講同日本的配方不同, 日本的無咁控油)

好勒,悶死完d男人之後, 

為你介紹, 男友間房的一角,

係咪好有型呢??

因為男友係玩結他既,

我由上年佢生日到依家, 

每次見到有新顏色出就即買寄俾佢,

依家佢儲左5個結他lego!!

而佢都送左個白色三角琴lego俾我,

因為我細個學過琴(已經唔記得點彈, 不要打我)。

*d貝殼係我地上次去比利時一個沙灘執的*

再黎!! 我知你一定會話我港女,

但, 我其實唔知呢隻野原來有名,

我只知佢係care bear,

但原來佢出左勁多隻色同隻隻都唔同名,

之前勁多豬妹買, 個妹話一隻賣好貴tim ga!

(叫我上網賣左佢, 痴孖筋的)

不過, 我呢隻係免費ga!!!

係同事的朋友公司有做呢個熊仔products送左d俾我同事,

差唔多10隻, 大家分晒佢。

我本來唔鐘意儲咩公仔呀個d,

我亦無特別鐘意既卡通人物,

(細個liked hello kitty, 仲白痴到小學時英文名改左做kitty,

簡直係不愖回首既過去)

之不過, 唔知大家有無好似我咁, 要攬住舊有自己陣除既野訓的習慣呢???

同大多數阿媽一樣,

我媽咪都好鐘意無啦啦掉左人d野,

小學雞年代攬開既公仔(叫琪琪)同枕頭仔被媽咪掉左,

印象中好似有喊(!!)

媽咪又因為我攬開個粒士多啤梨毛公仔太污糟而掉左佢,

不過今次我都贊成佢掉既, 因為佢真係舊同無晒入面d棉花同埋變晒色,

仲有d好似霉霉咁既點點...... (!!!)

物色左一排, 就收到呢個bear bear,

洗乾淨之後可以攬住佢訓啦!!

呢個散子包,我之前係bangkok 買,

人手造的, 我貪佢細細個但可以塞好多野入去,

連個耳塞都可以塞入外面個格, 唔洗係個手袋到四圍Fing咁,正爆!!

最後, 我之前係759發現呢隻貓零食,

依家好似759無入貓食, 

我唯有同同事朋友上日本網訂返。

我兩隻貓太鐘意食乾糧, 乾糧營養勁啦,

食到好肥, 好大隻, 人人見到都笑佢地係「山東種」T__T,

勁大粒, 唔知咩事!!

本來連零食都無既,

最多都係得防止有牙周病既greenies食。

最近佢地依家轉左減肥糧, 

同埋加多左一星期有兩次濕糧,

(陰公, 之前佢地好似北韓貓咁)

**小心, 食太多濕糧除左貴之外, 亦會易患上牙齒病架**

我就買左呢個零食, 一星期每人半條(!!) 益下佢地啦!

即係俾仔我湊就實會寵壞佢~~

**我識養開貓既人係乾糧放題啦(即兜兜常滿),

每日開罐罐同零食啦。會搞到多病ga,

所以都係少吃為妙。**

至於兩隻貓, 佢地不嬲都係痴我媽咪多,

依家俾d零食佢一星期開心一次,

佢地都痴左我少少啦~~(非常現實) 

你睇肥妹Baileys幾咁期待!!