俾個藉口自己 -- 食下德國菜

琴日個埸希臘vs德國,
我一早已同鬼仔講: 德國嬴波就要食德國野啦!!
其實我緊係知希臘唔會嬴啦,
實力都差幾皮丫, 仲神話再現咩??

如果神話再現我相信佢地經濟會好返(!!) 哈哈~~

呢埸波好睇, 希臘唔係hea住踢, 入左2粒ga,
德國一開波就狂攻但都差唔多完半埸前先入一粒,
仲係我最愛o既Philip Lahm入ga!!
我睇住Ballack日日做波評, 唔知佢有咩感受呢??
最後4:2, 小勝希臘, 開餐啦喂。

屋企附近有3間德國餐廳,
有一間已食過, 都okay但唔係太特別同多野食,
反而德國啤酒就多啦~~

另一間我未食過,
琴晚試左一間係經常都好多人o既,
上網睇食評, 個個都讚 -- Laschet's Inn, 一於食佢!!
**由於環境太黑, d相都係黑麻麻ge, sorry**

一埋位, 當然要叫返杯啤酒賀一賀先 (其實關你乜事呢小姐??),
再來一個前菜 -- German hot sausage plate,
D腸有名o既, 但我一條都唔記得, 鬼咩! 德文o黎o既!

仲有呢個main -- 又係德文, 唔記得個名......

評語 -- 好味, 好飽! (很廢的食評)

冇計啦, 其實食左幾條腸之後我同鬼仔已經飽了,
之後我仲飲左個湯 (送ga, 係周打蜆, 很英國呢),
個main食唔滯打包左今日睇波食!!

仲有, 食完野佢地仲送左兩杯schnapps俾我地tim,
又有得飲, 正呀!!!

好耐冇著過裙, 咁開心, 真係要著一著~~呵呵!!

唉~~見唔見到對腳呀?? 依家晒到好Q黑呀!!

唔洗錢都睇到抽象派!

難得今年唔係香港過端午節,
唔洗食粽 (因為唔鐘意食飯, 端午節個排會有好多粽食, 一食就會食幾日),
電視又唔會成日播龍舟賽, 悶到嘔,
仲有訪問下d藝人細個端午節會做乜咁(!),
係美國過端午節係零氣氛,
真係唔睇其他Blog友個blog都唔記得幾時端午節呀。

(但鬼仔話未食過粽,可能聽日去Chinatown買一隻俾佢試)

雖然我唔多鐘意端午節, 但都祝大家端午節快樂,
去游下龍舟水啦!!

**係bor, 大家覺唔覺年年端午節前後都會落雨?? 中國曆法真係好勁!!

***************************************************************************************

哈~~話說早排法國文化協會搞o既法國五月有畢卡索睇,
(咪以為依家係美國hea就乜都唔知, 其實我乜都知)
小友去左呀, 要收錢o既, 不過都好平。

我錯過左都唔緊要,
因為我本身已經係一個抽象派晝家(!)
我本身有寫schedule book 的習慣,
仲不時係入面畫公仔 (!!)
不過, 從來冇人知我畫乜。
(除了我友人的法國男友估中過之外, 果然同我一樣咁有藝術氣質)

o黎左美國一排, 日日做妹仔,
都荒廢左我o既畫簿一排啦~~

有日, 鬼仔如常叫我寫低shopping list一齊去store買,
基於手痕, 我竟然無聊到係每樣item隔離都畫左公仔,
睇唔明o既就看字識圖啦!!! 哈哈哈~~~
(我放左上面書之後我d朋友話有進步ga)
藝術成份係咪好高呢???? (嘔!!)

依家唔洗俾錢都睇到抽象畫, 係咪好抵先???

陣間又有波睇啦, 德國vs希臘呀~~
希望唔會好似琴日咁悶啦, 最好入多幾粒啦!

琴日個埸我真係悶到訓著覺咁滯,
而且最決氣係我最憎個條友入波, 哼!!
我真心覺得佢入唔到波個表情係靚仔過佢入到波個樣好多囉!!
作為明燈o既我, 難道要開始愛上佢, 令佢陷入入玻荒???
仲有今日要發功大叫: 希臘加油, 希臘加油(!!)

日日掛住睇波,
搞到周身唔得閒,
Lunch食三文治就一餐了~~ 哈哈!!

辣到飛街 + 好味, 好味, 好好味!!

星期一由Indianpolis開車返Chicago,
Lunch個一餐係Indianapolis食,
鬼仔冇啦啦話想食泰國野,
於是就食左呢個啦! (泰國人開ga, 聽住佢地一家大小都係到講泰文)
幾好味喎, 但媽呀~~好辣呀!! ()

我地兩個都食雞, 不過我係green curry chicken.

春卷係送o既~~

明明揀左中辣但我都食到流水鼻水, 個咀勁熱~~
而鬼仔就食得好開心, 佢鐘意食辣野,
我懷疑呢一個係陰謀o黎ga,
點解?? 因為我食到一半都頂唔順, 佢食埋!
好明顯佢係想食多d先咁做啦!! (開始有被害妄想症)

夜晚, 我地開左幾粒鐘車, 都攰到隻野咁啦,
仲邊會想煮飯丫??  (Okay, 我係唔洗開車的)
於是返到Chicago之後就拿拿聲搵野食,
見到上次Ribfest時食過o既Irish bistro,
2010 Ribfest 冠軍喎。

呢隻愛爾蘭啤酒~~鬼仔話佢鐘意, 我就麻麻啦! 哈哈~~

時間尚早, 未有乜人, 到我地食完之後就好多人。

今次就唔係再食Ribs啦, 咁食法想唔肥都難啦~
所以叫d我地都鐘意o既~~

登登登登!!!

就係呢個:

超好味呀, 而且呢個份量係我地share左ga,
我地只點了一個main, 佢地幫我地分成兩份,
都好夠飽, 正!!

可以再去。
****************************************************************************************************
題外話, 返到芝加哥後,
發現有notice話呢到樹要整路(!!)
所以唔俾泊車~~
就係咁, 呢幾日我都像活於地盤一樣的水深火熱之中,
整完路, 過幾日仲話會洗街tim。
雖然我都知呢d服務係為改善我地生活而仗,
但成日不停鑽鑽鑽加埋聞d火焊o既味道,
真係會好想嘔~~搞到依家食慾不振!!

咪講笑, 施工工程係正我地門口ga,
前日仲有一大篤沙泥係地我地前園門口位,
搞到塵土飛揚, 我做了一天吸塵機。

希望快d完工啦~~~

Piggies or Mice??

去Indianpolis除左同鬼仔爸爸過父親節之外,
亦都去左佢表哥屋企o既BBQ party,
同佢d屋企人特別係爸爸級慶祝父親節!!
好墟堪ga!!! 成廿幾人咁滯~~
不過忙於食野同玩bb, 冇影到D乜相。

話說鬼仔表哥爸爸依家個老婆 -- 是一個「怪人」,
佢地家族最近關於佢o既笑料係 -- Radish + host gift (!!)
此笑料是來自於佢同鬼仔表哥o既三個星期以來一大段e-mail溝通的, 不便多說。

基於西人搞House Party喜歡每家人都帶少少食物去一齊食,
於是鬼仔爸爸整左咸批外, 佢o既女朋友就特登搵Radish,
整鬼整馬, 仲買左盒cup cake當host gift,
睇下呢個怪人明唔明佢地笑緊佢 (好衰, 但好搞笑)!!
**而最不幸係 -- 我於party上一度被呢個怪人纏上 (OMG!!!)

鬼仔爸爸女友係想整Mice o既, 我都覺得似Mice ga,
但鬼仔同佢爸爸就話似Piggies喎 (!!)
明明條尾都唔係攣, 都唔知佢地對眼睇乜ga。
你地話似d乜先???

由於呢個Party太多人,
都不能夠同大家有傾計,
都係一齊係後園食下野, 傾下計, 飲下酒, 玩下bean bag咁。

我同鬼仔一組,
鬼仔家姐同佢男朋友一組,
四人上演了一次最無聊o既互片bean bag賽事,
掉左幾十次都只係得3個中(!) 陰公~~
反而鬼仔爸爸同另外3個老人家仲玩得出色過我地,
呢d咪就係叫「後生打壞」囉!!

之前已經見過佢家姐同其男友,
所以最開心係我終於有得見佢表姐o既小baby -- Nora!!
(對上一次見佢佢都未出世, 仲係佢表姐個肚到)
佢係一個患有唐氏o既小baby,
前排因為要打針同食左藥令佢身體好唔舒服, 仲搞到面仔漲晒, 陰公豬!!
今次佢終於好返好多, 可以同大家見見面啦~~
佢直頭係小公主一樣呀, 個個都咁錫佢,
相信佢可以係一個充滿愛o既環境下成長。

呢個小baby今年14個月大,
最鐘意笑笑笑, 笑到流晒口水,
仲好鐘意拍拍手, 聽見有音樂聲仲會好似跳舞咁,
食奶仲超快tim, 又任抱唔喊, 好易湊。
我都唔執輸抱左佢一陣 (好重),
佢好鐘意放我d頭髮入口, 好好味咁喎!!
查實係佢依家開始出牙仔, 發牙痕丫~~ 嘻嘻!!

小baby 與鬼仔爸爸!!

食得健康 -- 少於475 calories

經過幾日唔洗做家務o既生活後,
琴晚又返左芝加哥啦,
不過好彩鬼仔知我想睇波, 中途去左間酒吧睇, hehehe.......
**陣間就有得睇埋最後邊兩隊會入8強,
好開心, 西班牙同德國都出左線;
但我唔明點解D人會為荷蘭而失望??
我以為得阿叻會咁專一tim, 哈哈!!
希望佢地日後做好d team work啦,
喜見個唯一一粒入球係Robben交波,
可能個位Robben係人扮ga!!!

上星期去左Indianapolis, 當然去同佢爸爸慶祝父親節,
星期五晚, 我地係間叫 Seasons 52的餐廳食晚飯,
環境唔錯, 有live band, 又有酒吧,
美國都有好多間分店ga。

皆因最近鬼仔爸爸開始減肥,
要食得健康d, 除左自己煮之外,
返工要出外食lunch 佢就會去呢樹啦,
因為佢標榜著所有食物不超過475 calories。

咪以為減肥就等於「無啖好食」,
想減肥都唔一定餐餐食草 (無錯, d通常減肥餐我稱為「兔食」),
呢一餐都幾豐富ga, 又有魚, 又有蝦, 仲有羊肉,
可以share一齊食,
樣樣都試d, 唔錯唔錯!!

當然最後加埋一定多過475 calories啦,
因為我地開左枝紅酒丫嘛!! 哈哈哈~~

係咪好吸引呢??