Brugge 小遊

七月時去左科隆探我男友兼陪佢過生日,

其中三日我地同佢兩個朋友一齊開車過比利時,

去左比利時一個叫Brugge既地方,

呢個地方有北方的威尼斯之稱,

而且又近荷蘭, 所以荷蘭文多過法文架。

近日愛食

Upgrade左去10, 終於用得得心應手少少,

不過, 原來upgrade完之後呢係會無晒聲架(!)

上網睇, 好多人都有呢個問題,

要自己去delete左個乜叉野audio server 之後又再load過,

咁就無事, 點解有呢個咁白痴既設計??? 

另外, 仍然唔知點解插左線裝埋iTunes仍然係過唔到手機D野落電腦,

真係好想死!!!

最後, 我用咩方法呢???

就係將D野掉晒上Dropbox,

然後再用Laptop響dropbox樹download返落黎,

OMG!!! 成件事係戇居到無人有囉!!

係開始整理我的旅行post之前,

等我介紹一下最近食完覺得「喂, 唔錯喎, 可以再食」的東東~~

第一間, 係我同友人公司附近,

一個月內一齊食左兩次的cafe,

真係好開心, 唔洗去到山長水遠嘆精品咖啡,

叫"my little coffee"。

久違了

嘩~~轉眼又好耐無UPDATE過BLOG,

因為之前屋企, 工作同秘撈都忙,

而且, 七, 八月又去左轉德國+比利時同日本旅行.

還好, 多謝大家的留言及祝福,

爸爸做完手術後, 情況穩定好多啦.

仲有, 另一個勁耐無開電腦的原因係,
家中一直都虧虧地既DESKTOP,
正式打柴(!!)
而跟左我幾年, 由前前公司抽奬返黎既NOTEBOOK,
都到左不能忍受既地步啦,
開親機都搞半個鐘,仲要開咩都好Q慢(!!) T__T
有時用下部I-PAD訂機票, 酒店呀咁,
就唔多需要開電腦,
於是慢慢就懶懶閒咁一直拖拖拖拖拖~~~~~

今日, 個DESKTOP無啦啦又回光反照,
但好景不常, 幾粒鐘後,
當我价同媽咪講:個電腦又用得返今日唔出去買電腦住.
點知, 收線後一分鐘, 佢自動熄機,
火滾到我都係出去買之前睇中左個部FUJITSU.
竟然仲做緊promotion 平左, YEAH!!!

就係咁, 我終於有新LAPTOP用啦,
但未用過WINDOWS 8.1,
要摸熟點用同過曬手機D相先,
遲D再UPDATE同巡BLOG啦!! YO~~~

五月尾泰國之旅

好耐無寫blog,

一來因為未買新電腦，

有時用手機打完會彈apps乜都無晒。

二來，上司之前產假，工作忙。

三來，爸爸五、六月都入院，

心臟有事，剛剛終於做了手術。

加上，最近投資左個妹同朋友搞的生意，

雖然唔算好落力但作為股東都盡下綿力。

總之，成個月都忙於公司，醫院及舖位三邊走。

拎起電話嘅相一睇，

爸爸出事前我同左個妹去泰國曼谷三日兩夜，

好似好耐之前咁。

貫徹宗旨，

衰野唔講啦，

分享一下開心時光。

五月二十三嘅出發，好彩係早機，因為睇新聞見之後啲機因為天氣惡劣滯留

台北三日兩夜閃遊

五一跟友人去了台北三日兩夜小遊，

剛好有朋友在台北出trip，

可以三人加台灣的朋友玩了幾天，超爽。