Taste of Chicago

來到芝加哥, 放好行李洗個澡+小睡一個多小時後,
鬼鬼說要帶我去一年一度的taste of chicago,
這個活動類似香港的美食節,
當地不同的餐廳都會在活動中擺攤檔,
讓客人試試自家出名的小食.

不過當然是要付錢的啦,
先要排隊買票, 一次至少要買12張, 才USD 8.00,
不過12張是肯定不夠, 因為每個攤位買東西都至少會收3-4張票,
有些更要5-6張...所以我們買了24張!

人很多呢....

美國有熱浪, 那幾天天氣都很熱,
不過有時又冇啦啦會下大場, 可以降溫,
像這天, 在活動中都下了兩次5分鐘左右的雨呢...

這個taste of chicago是很大的,
有好幾條街長,
由於美國是一個結集不同種族的國家,
也可以試試當地不同人種的食物...

例如這些...
當然仔有很美式的pizza等等,
我的手因為愈吃愈糟, 後來沒有拍照了...哈哈哈~~

如果有機會夏天去chicago, 可以去一去湊熱鬧啊!~
http://www.explorechicago.org/city/en/things_see_do/event_landing/special_events/mose/taste_of_chicago.html
(詳細資料見上)

神奇的玫瑰花

話說去年生日我收到了一個小小的茶包,
就是那種可以自己加入茶葉, 重覆使用的那種, <--知道我在說什麼嗎?
我今年今初才開始帶回辦公室用,
在家中找到了玫瑰花茶就帶回去用啦!!
怪事就此發生!!!!!!!!!!!!!!!

其實學生年代我都有經痛的問題,
就是會痛到:
- 好像有個幾百磅o既人踩住你個肚
- 好似有人想搶你個子宮, 而你係痛到想話:你咁鐘意個子宮就拎去啦, 好痛呀!
- 標冷汗
- 企唔直, 坐唔直
- 面青唇白

雖然慢慢地近年比較不這麼痛,
但是疼痛仍然是有的.....
不過我發現最近的幾個月情況好轉了不少,
而且更發生很白痴的事,
最近兩個月我"親戚"無聲無息到訪而不自知,
幸好我立即衝出去車站找洗手間,
才沒有發生糗事!!

我覺得奇怪, 飲食習慣又沒有改變,
怎麼會這樣子呢,
前陣子一時八掛,
上網找到了原來玫瑰花有很多功效喔:
1) 治療憂鬱情緒: 氣味清香，善能疏肝理氣而解鬱，主要適用於肝氣鬱結、胸
部悶痛等自律神經失調的狀況
2.治療痛經:對於經前乳房脹痛，容易月經疼痛的婦女朋友，平日也可飲用保健。
3.治療腸胃不適:對於常常胸悶不舒、不思飲食、心噁想吐、脘腹脹痛、噯氣則舒
等症狀的病人，也有改善效果。

嘩嘩嘩~~原來玫瑰花的功效這麼多,
我決定要向有同樣問題的朋友推薦啦!!!

Last day in Bangkok

是日我地竟然唔知醒訓到10點先起身,
12點要check out,
我地落到樓下又冇餐廳開,
白白行了一轉又熱又餓,
好想打人…(!)
check out後,再去返頭先見到但未開o既餐廳+酒吧,

熱到痴筋, 我好想飲可樂!!

仲見到紅衫軍車隊打鑼打鼓嘈餐死,
鬼仔以為有咩盛事, 嘉年華(!!)
後來係餐廳同個來自德州o既老闆講開先知真係紅衫軍,
好彩佢地今日唔會係bangkok, 只係出面搞事.
個老板, 來自美國德州, 講野好有種族岐視,
而且, 佢仲笑d美國女人肥話泰國女人瘦好多,
但一起身, 佢自己都有差唔多400鎊,
竟然仲笑人肥??? 唔諗下自己成個波咁(!!!)

食完野我地都要出發去機埸,
又係等左好耐先check-in到囉,
究竟搞咩ga?
搞到我同鬼鬼得返半個鐘相處,
我地去左飲咖啡,
然後佢就送我走…

幾時又會再見呢???

Last nite in Bangkok

今晚去左個好多日本人o既地方,
連餐廳都有日文,
可能因為日本領事館係個邊,
雖然多日本人但只係得一兩個侍應會日語,
但d日本人竟然照同泰國人講日文(!!)
搞到d侍應一頭霧水,仲要借我地o既食物同飲品俾佢地睇(!!)
最搞笑係, 我等緊女廁, 竟然有個日本男人係女廁施施然行出來,
OMG!!!佢係咪連WOMAN都唔識睇???

呢餐都好好味ga, 仲好靚呀個餐廳,
但幾貴, 唔緊要, 我請, 反正兩個人都食唔多~
食飽飽去左market行街,
貨識勁似女人街野,
而且d人成日以為我係泰國人, 開價平d,
仲可以還價, 但鬼仔講價更勁!!
我買左手信同個妹吩咐我買o既杯麵等等,
仲係7-11買埋酒返去一邊浸浴缸一邊飲, 正到爆!!!
我唔想返香港捱世界, 我想留係到歎世界(發夢啦你!!)

Goodbye phi phi island

最後一晚係Phi Phi島,
我地就一邊點住香薰趕蚊,
係露台一邊飲酒睇書,
本來想買副棋來捉,
睇又搵唔到o岩心水o既西洋棋!
餵完蚊一輪,
我地就要好行李,
因為第2朝要倒屎咁早起身.
唔係講笑, 要7點起身,
梳洗好之後執埋最後要收拾o既野,
btw, 用左新買o既香點著來訓真係冇蚊咬,
早知一早咁做啦!

今日我地要坐9點船返去phuket,
再由phuket撘一粒鐘飛機返bangkok~
8點鐘未到已搞掂好,
酒店仲有專人送我地走去碼頭,
仲幫我地拎行李,
仲好細心地叫我地食埋早餐先撘船,
可以唔洗咁早行~
所以今次我地有機會食飽飽先起行,
撘了個半鐘船後,
再撘返minibus一個鐘去機場,
但由於多人冇位,
兩程都係同鬼鬼分開坐,
但佢都會伸隻手來拖住我~so sweet!!

終於去到phuket, check-in都算快,
鬼鬼當然又要被人罰佢行李啦,
見仲有時間,
我地去了食lunch,
因為返到文明地方,
我可以碌card,
之前一直都係洗鬼鬼錢真係唔好意思.
所以我請…我話返到bangkok都會請佢..:p

上機前我地去書店,
上機睇, 鬼鬼自己有帶書~~
唔洗一個鐘已返到bangkok,
經過上次教訓, 今次已認得路,
6點未到已返到酒店…
又係同一間酒店, 真係好靚丫!!
但我唔鐘意bangkok又逼又多車多人…

但我個人覺得佢地車廂環境不錯, 好乾淨, 又靜, d人又有禮貌!

係車到有個香港家庭,
佢地頭先研究左一陣點買飛,
我同鬼仔講佢地係hk人,
鬼仔又同人講: 你好嗎… (佢淨係識呢句廣東話)
點知個bb仔唔so佢仲要變身dee死佢tim!
笑死我同佢父母, 哈哈哈!!

Phi phi島喪hea時光

由於鬼鬼唔舒服, 都係唔好去玩,
反正呢到唔出海唔晒太陽唔游水都冇咩好玩.
就去internet cafe上上網,
再返酒店寫寫postcard,
係游泳池邊寫postcard時,有個外國人竟然以為我係工作人員問我小食吧係咪未開!!!!!!!!!!! =__=!
後來佢再望下我見我著成咁又戴晒超咁仲寫緊postcard先知自己錯,
係咁講sorry! oh my god!! 我真係咁似泰妹咩???

寫好postcard後我地去搵post office寄postcard,
仲去左個酒吧食野, 坐左一陣, 又去行行街, 真悠閒~
不過我又被人以為係泰妹啦,
之後我話唔係泰國人佢仲問我係咪日本人(!)
估來估去, 佢最後先估到我係hk人, 仲話佢去過hk, 話好鐘意!
我就話我都好鐘意phi phi島啦!!! (咁有冇discount先??)

你睇, 真係好多呢d搞潛水o既商店ga~

鬼仔食左幾次藥都好返好多,
仲話要去做foot massage(!)
你睇下佢真係好鬼愛~~
於是返去琴日最近酒店又最平個間,
仲係同一個massager按佢tim, 但佢竟然唔記得!!
仲有, 個女人竟然都以為我都係泰國人, OMG!! 點解???
一邊massage一邊聽左一個鐘泰文版的”開封有個~包青天”,
原來泰文唱竟然可以咁溫柔, ohohoh~ 如果唔係佢狂播我都估唔到!

之後我地都充滿力量要去酒店游水~
佢就係泳池邊睇書…呵呵呵~~

是夜, 我地去左食印度野......

點知鬼仔唔記得自己唔可以食奶o既野,
點左個好難飲o既印度奶茶後先記得,
就同我個可樂換(!!) 難飲過尿!!!
最恐怖係, 呢間餐廳竟然係到播緊一套有關土著互相殘殺,
又血腥又嘔心又殘忍又變態o既戲~
俾著平時我一定冇問題,
仲可以食得好開心邊諗住條友係我仇人邊食邊睇笑笑笑,
但係今次個主角竟然勁勁勁勁似我一個英國朋友(!!!)
我一邊睇一邊諗住佢被人殺緊………就愈來愈覺得噁心! 想嘔~
而成個餐廳o既遊客都睇到眼都突埋, 有個女人仲連餐牌都唔得閒睇呢~

佢真係睇到連最鐘意o既羊肉都唔記得食...

生病了的一天~

出門旅行, 最慘就係水土不服生病,
可憐的鬼仔, 唔知係食錯野定係因為等曬太陽時飲得太多啤酒同椰青,
返到酒店後佢就叫極都唔起身,
仲話個胃好唔舒服, 而且仲標晒冷汗...
我唯有做妹仔幫佢用清水抺身 (OMG, 我呢個港女咁大個都係第一次咁服侍人)
俾藥佢食 (YES, 我每次出門都會帶住一個小型藥箱, 內有胃藥, 傷風感冒藥, 頭痛藥, 敏感藥, 膠布同紗布等等)...
仲出去買三文治返來俾佢食...
又煲定熱水等佢可以有暖水送藥等等...

我覺得佢係食得太多curry所以搞成咁,
唔知係咪因為外國人好少好似我地咁咩都塞入口,
我地久經孔雀石碌, 打針雞, 哮喘豬等訓練,
鬼仔個腸胃似乎冇我咁好.
佢以前都係柬埔寨試過食物中毒......幾日都訓係酒店!!

一條友無無聊聊, 要照顧病左o既鬼仔,
我絕不想留底佢一個係房....我好擔心~
所以成晚都冇出去,
係酒店睇左泰文版o既"新娘愛鬥大"!!!

夜晚, 佢突然嘔!!!
最慘係, 佢嘔唔中個馬桶,
搞到成個廁所都係嘔吐物,
頂!!! 我成世人最怕係小強同埋嘔吐物,
我次次見到人嘔自己都會想嘔(!!!)

好彩鬼仔嘔完之後好返好多,
仲叫我唔好入去廁所等佢清理,
不過, 去水位都塞左沖唔晒...
唯有等工作人員清理啦 (個位人兄應該想殺左我地吧?)

呢份係我o既, 後面個份係鬼鬼o既...

第二朝早, 我地去附近酒吧食早餐,
被我遇到講廣東話o既人...
但佢地竟然用腸仔煙肉餵貓.......我O晒咀!!!

由細到大, 如果生病, 媽咪都話唔好飲刺激性o既野同食生冷野,
但外國人似乎相反,
鬼仔因為個胃唔舒服,
佢堅持要點汽水同埋生果做早餐(!!)
有西瓜同香蕉, 乜香蕉唔係滑腸ga咩?咁食完咪又痾囉?
但後面有個外國男仔一樣係白青口唇白, 一臉病容.
都係點同一樣O既野....OMG!

喵~~~我食左煙肉, 會唔會肚痛ga??

食飽飽, 鬼鬼去左藥房買藥+睇醫生,
其實唔算係睇醫生, 因為個o個係藥房職員,
佢只係聽完鬼鬼o既病情之後叫佢買d咩藥咁...
有一包, 係咁o既............

係倒入水到成枝都會變橙色ga!

變成黑人之道

前一日出完海,
呢一日10點幾起身,
我發現原來d錢已用得七七八八, 
於是食完早餐後出去,
我就一邊行一邊見到提款機都試試,
因為mastercard都可以提款嘛,
但我個張原來未申請呢個功能囉, 頂!
試左幾次之後都係冇用~ 
唯有剩底o既日子慳d洗!~

鬼仔叫我唔洗擔心,
佢話會出晒錢喎~
嘩~~真好, 但我覺得非常唔好意思囉,
咁大個女除左我爸爸之外未洗過男人錢!

琴晚做左個泰式MASSAGE之後,
兩個都好好訓…遲左d起身,
食左個早諉後, 四圍行行行,
然後仲去左網吧…

去到個沙灘, 隔離有得坐又有得食野飲野,
食完lunch後, 我地決定要去呢個沙灘到玩下…
返去酒店拎返d毛巾, 又講價買左個沙灘草蓆,
仲拎左相機tim~~

去到, 我地晒左一陣太陽,
但呢個沙灘可能因為太多人去,
d水望落去好清, 但係有陣怪怪的味道….
omg~~但因為太熱, 我地照游,
游游下又不時上返去飲野…
鬼仔因為係白人, 好易曬傷,
佢曬左一陣就變到紅卜卜,
得返我自己去曬太陽…
唔知曬左幾耐後, 我訓著左....
鬼仔好心急走過來叫我要轉身….
於是我轉身又曬多一陣啦~我再次訓著左~
曬完又返上去飲多杯野,
又落去游游當沖身…
最後佢同我講, 我頭先曬左好耐都唔郁, 佢見唔對路就過來, 驚我曬得太耐喎!

之後我先發現自己已經由本來似菲律賓人o既膚色,

變成左剛果人o既膚色!!!

行返酒店前, 我地就去做多次foot massage,
鬼仔真係上晒癒, 仲差d訓著左…

泰式massage -- 香港人之光

終於完滿結束呢個half day tour,
其實都玩了差不多7幾個鐘…
攰到死死下…
先返酒店好好洗個白白先,
洗到一d沙都冇wor, 勁!
我小心地撕開膠布,
yo~~~果然係好似俾指甲篤左.
好彩咋…
有傷口都係唔好食蛋同海鮮,
我唔想係個面個到有疤痕~
但鬼仔話未聽過有疤痕唔可以食呢D(!)
到我地終於去左個好靚仲可以望海o既餐廳時,
我見到有海鮮餐, 嘩~~好正喎, 所以都係食左~好味!哈哈哈~~

由於唔算太晚, 所以人客不多~

睇到嗎?? 個飯係心形ga, 好有heart呢....

兩個人食唔到咁多, 叫左個小小的海鮮拼盤, 條魚, 有點腥~其他都好好味!

食飽飽我地就去左做thai massage舒緩一下,
好舒服呀….我訓著左地泰嬸又拉又扯…
期間得阿鬼仔被人o拍左一下背大叫外,
我都係訓左咁…
其實再隔離都有個瑞士男人做緊, 哈哈!
最後最後, 阿嬸叫醒我, 要我坐底伸直對腳,
佢就用力係後面推, 要我再伸直對手掂腳尖~~
oh~~呢個咋嘛?? easy job! 呵呵呵~
我好勁地雙手抱到對腳板底都得.
鬼仔同個鬼佬都睇到傻, 不停叫好~
我直頭覺得自己做左奧運體操冠軍呢!!
連阿嬸都讚我well done!
話唔係好多人做到丫.

一齊出海去

是日, 我地一早起身, 係酒店食埋早餐後決定出去搵d節目玩玩,
呢到一街都係d潛水, one day tour, 浮潛o既團,
好快我地睇中左一間,
決定join呢個half day tour,
又要2000幾THB, 但好過無所事事於島上冇野做.

11點半要返來呢間野集合,
我地返酒店執好行裝,
順便test下我個相機袋,
我兩個妹之前去墾丁都係用佢先可以落水影相,
我地先放個廁紙落去,
之後跟住佢d封口位封住, 再放佢落水,
仲要係不停用力撳佢,
拎返上來, 如果個廁紙仲係乾o既話就代表–成功啦!!
真係得左…可以放個細相機入去.

就係呢個相機袋啦, 我今次去旅行帶左3個相機, 呢個最細, 剛好可以放入袋

鬼仔明知會來泰國玩水, 佢都唔帶毛巾,
於是我地去左買毛巾, 人買佢買, 買條甩毛o既…
但d人成日見佢係鬼佬就賣到好貴,
好彩講到價,
佢仲買埋太陽眼鏡!
個眼鏡竟然同毛巾差唔多錢, 咩事??

11點半去返集合, 仲可以偷雞上網,
之後等埋幾個外國人就一齊行去出發,
點知, 原來仲有幾間呢d 搞tour o既舖一齊出發,
沿路不停有人加入, 於是一行十幾人出去…
去到, 仲未上得船o既, 因為我地要試下蛙鞋,
我唔知自己係咩size, 唯有俾幾對我試試下…

到可以上船, 佢地會幫我地分好,
我地同左一班亞洲人一架船(!!)
有來自北京的一家三口, 仲有兩男兩女的不知明人士,
出海後我發現個4個男女都係中國人,
因為佢地原來唔係講緊韓文而係講緊自己家鄉話,
仲識同北京家庭講國語(!)

而出海後約15分鐘我地先係一個細細的海灘上接左兩個外國男女上船,
之後先開發派發浮潛裝備~~

去到第一個浮潛地方,
可以見到約一至兩尺長o既細細鯊魚, 當然佢第日係會變成一啖食左你o既怪物.
但我其實個時有d驚, 因為未試過係海中心游水, 所以搞左一陣先敢落水.
仲要係著住救生衣(!!) 蛙鞋嗎? 冇著, 太麻煩了.

戴好裝備後一野伸個頭落水,
ohohohohoh~~~世界真美妙~
個海其實已經好清好清, 但你潛埋落去時係會見到好多好多靚靚珊瑚及好多好多好多好多魚魚魚魚魚圍住你.
係你個頭同身體旁四圍游游游游游~~
真係靚到唔知點形容(詞窮!)
NO~~唔係詞窮,
應該係所謂的 — 非筆墨可形容 (我真醒)!~

妖~~我發現鬼仔用呢個相機袋影o既相都會影埋個黑色邊邊....
我影o既係video, 但file太大, 放不到上o黎...

去完浮潛後我地去了睇下個景點,
就係 ....................... 一個好大好大o既海蝕洞(!!)
好壯觀呀~~~隔離遠少少仲有一個海蝕柱..
之後又去下一個地方, 個到都係可以浮潛,
而且D魚o既顏色同品種比剛才更多,
真係睇到我傻, 跟住佢地愈游愈出,
之後又係好淆底地游返埋船邊啦, 點知會唔會有大白鯊ga!??

然後, 就去左一個叫monkey bay o既海灘,
俾我地游下水同食下飯咁…
但呢個海灘都有好多人去,
水質尚算okay但唔可以叫靚…
問船家呢到係咪真係有monkey, 佢笑笑口話依家冇啦,
佢地躲係山後面...
但北京小妹妹堅稱自己落船個時見到, 哈哈哈~佢好可愛ga!
好想再去浮潛呢…
停留約半小時後又上船再去下一個灣…又可以浮潛了, 正!!!
呢到都係好多好多魚魚魚魚魚~~總之你去到就會覺得自己根本係一條美人魚啦(!!)

又到左再下一個bay叫 — bamboo bay~~wohhoo~
你就會明白世界有如此美麗o既海灘,
d清清o既海水係清到就算你個人行到好出, 淨係突個頭出來,
都仲可以見到你對腳,
沙好似麵粉咁軟綿綿~
仲要係游下水都可以見到魚仔在你身邊一齊游游游~oh my god!!真係好爽~~

見唔見到有條細細o既白色魚仔呢???

如果唔係個相機袋因為冷熱搞到有霞氣, 會更清~

忘我地游了9個字左右, 又上返船,
就係呢個時候,
我個頭一野撞左去個邊邊,
痛到幾乎係feel唔到痛(!)
好彩有個太陽眼鏡, 唔係可能撞到眼呢..
之後一坐底, 鬼仔睇下我有冇整親,
佢話我流緊血, 仲用手指一野篤埋我個傷口話要止住佢…
痛到我想跳海(!!!) 
船家見到我爆缸就搵紗布同藥水繃帶貼住,
我問鬼仔個傷口有幾大,係咪好醜樣ga,
佢話唔係, 好似指住篤左一下咁大o者, 好彩~
但事後我諗如果撞到眼又或者係個口都唔知點算,
甩牙又點算??? 好驚好驚!! 點解次次出海我都有血光之災???

然後又好快地去了睇下一個景點, 由於海水太深係唔可以浮潛,
淨係可以俾你落水游下同埋睇岩石等等….
之後就停係海中心一齊睇日落了~好鬼浪漫!!

滿足的一天又過去了~呵呵呵!!