亂Q咁o黎

上星期六一早去左IFC睇戲,
講左幾個星期,
我同個Friend終於係佢落畫前睇左,
仲要係得返早埸, 死未???

套戲, 其實冇咩特別好睇,
不過今次唔同之前兩套咁,
係以多個故事發展而成o既,
都幾有趣, 但唔睇亦不會後悔,
而我只係睇開Woody Allen d戲而睇的。

 

睇完戲又撘船去返TST同一班朋友食飯,
因為貪個到依家hightea有折,
但除左叫tea set我地仲叫左好多個餸菜。
食物就不過不失啦,
個tea set就真係一般, 我地10個人叫左3個, 當甜品咁食。

由於友人book位時留左話會high tea,
點知個經理以為我地淨係high tea,
d招呼極差, 一o黎到唔叫都冇水冇餐牌, 都算!
佢竟然仲大聲對下屬講:「唔洗理佢地ga啦, high tea ga咋!」
基於我地係有教養o既年輕人,
都費事理佢, 只係叫佢d同事俾餐牌我地。
就係咁, 又講又笑開開心心食飯食左3個幾鐘先走人~~~ 

飽到晚餐都唔食lu,
不過呢間野服務咁樣,
應該唔會有下次。哼~

(個tea set唔止咁少ga, 但我地食左幾件先記得影一影)

星期日, 緊係去左投票,
做過盡責住o既公民啦!!
就算冇心水都唔想益左淫賤聯囉,
於是......係d爛橙到揀d冇咁爛ga啦!
總之, 我投個d都得左!! 哈哈~~~

講起投票, 真係好多阿公阿婆去投,
我只可以話政治係好黑暗的,
睇新聞, 有d又話自己唔識字,
又d又話人地話邊個就投邊個,
你話佢地係咪被人利用??? 心照啦!
反正d阿公阿婆都唔知自己被人利用左。
個婆娘真係同個名一樣都很「九」很「西」!! 

今日一早睇到結果, 只能說「革命尚未成功, 同志仍須努力」,
希望早日可以爭取雙普選。

有人話泛民淨係識搞作對,
但好多時佢地都反得有理,
而唔係好似d共狗咁, 親中到死,
次次我睇見立法會開會,
我就會諗起「表姐你好野 III」鄭大姐話:「我地人大開會個個都舉手贊成, 邊有人反對o既o者??」
我唔想香港第日變成咁,
話放幾十萬大陸人落o黎又贊成,
話廿三條又贊成,
話國民教育又贊成......

唉~~港姐又冇份選, 特首又冇得選, 真係慘!
最慘係香港人又冇得移民去阿努阿圖ga嘛!

有樣野好開心o既係, 劉江華墮馬。

投完票, 我去左買整蛋糕o既材料,
當然又係「麻甩佬」買物方式啦,
一去到就殺入去搵要買o既野,
之後再以奧運選手9秒9速度科水,
快到連個妹都話我痴線,
好似個頭換衫落街呢頭返屋企咁!!


我整ga, 靚嗎?? 裝飾到咁, 係咪完全睇唔出佢其實係一個Pandan cake呢??? 哈哈!!

之前訂的郵票話咁快就到左啦, 開心!!