痴筋星期五

咁快又到星期五啦, 一諗到聽日係周未就令我可以捱過沉悶o既開會時間,
我上司d英文口音好重, 聽漏左就大獲啦!!
我個上司真係以為我返左唔夠10日就已經知道晒所有野來龍去脈,
成日問問問問......傻的嗎??

更衰o既係, 琴日想打下blog啦,
個yahoo blog又upload唔到相,
又post唔一到blog,
連留言都留唔到,
七月十四真係猛!!

夜晚返到屋企飲返一杯啤酒, 就係每日最relax的時刻,
望住d泡泡係個杯到....真係有說不出的喜悅~~
而我, 很變態地, 每次都會為倒出2.5cm的啤酒泡而自滿(!!!) <-- 呢個啤酒泡份量連鬼仔個爸爸都話完美!!!

其實, 暫時剛上班,
還不算辛苦~~~ (哪......你誇張什麼呢小姐??)

上星期, 我本想同個妹去捐血 (我係發起人),
我妹今次5分鐘就捐完啦,
而我呢???
佢篤完我手指先同我講, 我係北美回港未夠一個月唔可以捐血住(!!)
嗚...............
我一邊等我妹一邊食佢地d餅同飲佢地d野洩憤(!)
(我有捐$$$, 而我個妹係我捐完之後先提醒我郭xx 事件, 頂丫!)


仲敗左兩個咁o既東西~~哈哈!

早幾日我妹由泰國回港,
帶左d泰國零食俾我, 呵呵呵~~~



呢隻椰子糖好好味呀~~正!!
仲有隻辣味龍蝦薯片都好好味,
但琴日同個妹飲啤酒時消滅左佢唔記得左影遺照。


自家製花花形桂花糕

依家一邊打blog又嘆緊水蜜桃,
好爽!!

~~~完~~~

周未。喪拼去~~

終於等到打工仔最愛的周未,
一條友去左行街街,
因為我朋友話屋企附近個shopping mall好多店舖都做緊summer sale/ final sale,
所以就去八一八啦。

本來我只係想去買筆。記。本。乙。本。。。。。。
加上個mall真係多人到爆,
有d仲誠張到要排隊先有得入。
咁多人, 痴左線咩? 減價咋喎, 唔係免費噃。
我緊係唔同人逼啦~~

但我最後都買左兩件衫, 一個散子包 (羊仔皮, 好靚好軟ga) 同埋去圖書館借左4本書(!!)
拎到我手都斷。
而, 說好的筆記本呢?????

完。全。無。左。回。事。囉。回家, 在車內, 有個衣著前衛的大嬸樓住扶手跳舞(!!!)
還一直對我分享其減肥心得, 我一直禮貌地微笑和點頭聆聽 (乜料??)。
更讚我身形一流, 臨走時仲猛叫我靚女 (!!)

雖然, 我係三歲至八十歲讚我都受落的人,
但, 今次我竟然無開心的感覺。


咁熱, 食個冷麵啦 (我妹整ga, 冇啦啦咁好死)


上星期同屋企飲茶, 我先知, 原來依家d蒸籠出到咁colorful (仲有黃色同紅色ga).....
老老實實, 我鐘意以前傳統竹造個隻多d, 呢一款真係「硬膠」無限。

大執位

我去旅行有一個節目係必做o既, 就係 -- 寄Postcard俾自己,
除左寄俾自己之外, 緊係會寄d postcards俾朋友仔啦,
呢個習慣仲傳染埋俾我d妹;
而我d朋友+我d妹o既朋友知道我地有儲postcard, 所以都會寄俾我。

登登登登~~~搣晒落o黎一張檯都唔夠放~~

就係咁, 呢幾年儲儲埋埋有差唔多80張(!!)
咁多postcard, 我會點做呢??
呢幾年我同d妹都係張佢地一張張咁貼係屋企度大門,
於是呢個已經成為我地d親友上到o黎必睇o既景點(!!)
有時望返, 都會憶起好多旅遊o既回憶, 好開心ga!

呢d postcard係用blue tack貼住o既,
所以隔左約半年佢地d角就好易翹起 (多數係因為我避開貼到郵票),
仲有就係會甩啦, 通常佢一兩張間唔中甩我地會就咁貼返上去算,
但再過多幾個月就會不停有postcard甩, 就會頂佢唔住ga啦。

於是, 我就會一年一次咁將所有postcard搣返出o黎,
逐一清除卡上及門上o既blu tack,
然後, 又再一張一張用新o既blue tack貼返上去,
順便將佢地大執位, 換下位就有d新鮮感啦~~
一邊執仲會一邊讀下人地寫左d乜,
真係一種好好o既分享。

就係因為呢個關係, 所以上星期咪四圍搵文具店買blu tack囉,
就趁返工之前搞掂呢壇野啦!!
一玩就玩左幾個鐘啦。

而且, 有咁多人寄postcard俾我,
o者係佢地去到邊都會諗起我啦, 呵呵~~~
(自我感覺良好......)

繁花似"咁"的Montreal Botanical Garden

好! 冇神神又好跳TONE地返回我o既hea遊加拿大之旅。

咪以為我唔識"錦"字喎,
我呢個"咁"只係形容我影相影得衰咋!

前一日去完Olympic Park,

隔離仲有一個Jardin botanique (英文名係:Montreal Botanical Garden),
我同鬼仔都好想行, 由於應該會花好多時間,
所以決定第二日再o黎呢個站。
要科水ga -- CAD $12 -- 16.50,
之前個日套票冇買埋佢(張野又唔可以分兩日),
如果你鐘意一日走馬看花行晒好多個地方就可以買埋套票喔。

呢個花園有成75 hectares咁大,
係Quebec最大的植物公園,
內有戶外主題花園及溫室,
除左係加拿大國家歷史遺址,
2008年仲成為左世界最大的植物公園之一。
花園始建於1931年, 當時係經濟大蕭條,
經過當時市長Camillien Houde 同Marie-Victorin兄弟爭左多年而投得。
由 Henry Teuscher 設計, 而行政大樓的裝飾藝術風格就由建築師Lucien F. Keroack設計。
淨係行溫室同埋睇呢個花園o既歷史資料館都行左個幾兩個鐘,
因為真係種類繁多, 除左有歐美植物, 仲有南美, 非洲及亞洲等o既植物,
真係生多對眼都有排睇丫!!

亦有仙人掌, 有d大個人頭, 仲有d就高到樹咁

其實佢地本來係一朵朵心心形ga, 但係佢地大堆頭咁生出o反, 依家咁睇係咪好似燈籠??

仲有盆景~~

竹林~~

行完溫室, 仲有戶外大花園,

入去之前工作人員會check你飛同給個豬印係你手到,
因為呢個花園太大,園內仲有多個園區,  唔係一時三刻行得晒,
預你會出一出去食lunch/抖抖。
(記得拎住份地圖, 唔驚行錯路嘛!)
有乜主打呢??
- The Chinese Garden
- The Japanese Garden
- The First Nations Garden
- The Alpine Garden

一入去就有個Rose Garden, 好多唔同品種o既玫瑰花/ 薔薇,

開得又大又靚~~

呢d近鏡都係我冒住生命危險影o既, 因為好多蜜蜂喔~~
阿媽教落, 見到蜜蜂緊係要企定定唔好郁~~
但可惜鬼仔係有蜜蜂敏感症ga, 蜜蜂針到後如果唔立即送去醫院打針,
就會唔知幾多分鐘後死ga啦!!

而呢個獅子我唔知有咩作用, 淨係令我諗起某香港紙幣 (發錢寒)。

o黎到呢個Chinese Garden......d老外好鬼鐘意ga!!

呢對石獅子, 老外們勁like, 個個爭住影相,
鬼仔見咩問咩, 一時又問「夢湖園」點解呀,
一時又問呢d石獅子係做乜, 我要解答, 好忙。
我解釋俾鬼仔知石獅子係一男一女等於中國人成日講o既陰陽,
佢又要問, 邊隻係男, 邊隻係女?? <-- 煩死人,
男仔會有個波係手 (唔知繡球英文係乜, 老作), 女o既就有隻baby的......
而最頂癮o既係, 我解答o既同時, 後面個幾個老外一家大細都專心咁聽, 仲點晒頭()

中式園林好靚,
記得細個去蘇州 -- 網師園參觀時,
個導遊話古代d大戶人家唔會俾閨女出街,
於是家中的花園就有齊春夏秋冬的植物, 等佢地一年四季都有野睇。 <-- 俾我一定悶到痴左!!

仲有荷塘

入到去, 好彩有呢個小小書法博物館,
老外們也很喜歡, 還好入面有專人解答問題同有晒註解,
鬼仔淨係問我有冇學過o者。
(有呀, 細個小學時中文科必學啦, 我仲參加埋學內課外活動 -- 中文書法, 但玩左兩年冇玩了)
我個人認為, 用傳統書法寫殘體字係好九唔撘八又毫無美感的。

食完lunch, 行到呢個Japanese Garden,
入面有咩睇呢, 有日本的紙藝術,
埸刊有list返唔同日子有咩活動俾大家參加 (有茶道ga, 但好似要另外俾錢),
我地個日就有得學用日本花布包裝d酒啦, 飯盒等等。
我係個一埸唯一一個亞洲人, 學包酒瓶,
鬼仔同另一個女同學都唔知點解, 打個結都要人解釋幾次,
我就好叻女咁做得最快同最靚, 連阿Sir都讚我Well done!! 呵呵呵~~

另一埸係包便當, d老外學員都係一樣好困難咁, 個紮住頭髮的亞洲女仔,
同我一樣都係最快~~都唔洗人解釋多過一次。
真係唔明對d外國人o黎講有咩咁難呢??

仲有一個關於日本和紙藝術的展覽

油紙遮~~

靚麼??? 紙造ga!!

另外, 我地仲參加左一個room tea tour, <--都唔洗錢o既
丫, 以為有茶飲下, 點知原來係講日本花園種種裝飾的意思,
如: 涼亭, 可以係等待同思考; 仲有泉水, 係可以清洗大家心靈等等......

之後其他的garden因為都好攰啦, 行到腳仔軟,
加上又錯過左其中一個tour時間,
我地都係好hea咁睇, 所以冇咩影相, 哈哈!!

真係行到你瘦......

成30+度, 仲鬼咁好陽光,
明明都用左sunscreen,
行完晒成個花園之後, 鬼仔成隻乳豬咁紅卜卜,
而我就黑左好多.......
開始擔心回港時海關認不出我就係相中人了~~~