估唔到個加拿大行玩完差不多一個月都未寫完~~
相信好多人都知道Montreal係1976年都係Summer Olympics的主辦城市,
個時我都唔知仲係卵子定係精蟲, 當然乜印象都冇啦!!
不過, 難得o黎到, 加上今年又奧運, 緊係去Olympic Stadium八下有咩睇。
提一提, 呢個地鐵站叫 -- Viau,
好易搵到ga, 一出站就見到呢幾座野!
唔...... 睇完, 覺得好大, 同埋有人訓練, 都冇咩好睇, 哈哈!!
由於係同一個park, 你可以選擇買套票, 最貴好似成CAD 30+ (全包),
我地淨係買左Biodome de Montreal, Montreal Tower咁。
除左呢d, 仲有 Montreal Insectarium 同 Montreal Botanical Garden 等等~~
而且鬼叫佢係呢到o既膽, 套票多數連埋佢,
我地唔想去Insectarium, 行Garden又冇時間,
於是揀左配Tower囉!~~ 我係咁老土ga啦!!
其實最想行個garden, 於是決定第二日再戰漿糊!
呢個Biodome de Montreal有咩來頭呢?
佢係由法國設計師Roger Tailibert 設計, 建築施工開始於1973年8月, 設施在1976年4月開業,再係1992年先正式開幕公開俾人參觀。
裡面分左四個自然生態區 -- 極地, 熱帶雨林,Saint Lawrence Marine Eco-system & Laurentian Forest <-- 照稿讀時間
,最正係呢個園區成 4000隻動物 (我見唔到咁多o既??) + 5000棵植物,
仲每個生態區都會模疑實際氣候 (把鬼, 唔係咁就乜都死啦)。
享受日光浴的龜龜~~
睇唔睇到個倒映?? 呢個設計可以俾多D天然光入o黎~~
仲展出左好多唔同鳥類o既雀巢同蛋一比一標本, 有d原來細得咁交關!!
熱帶雨林區~~
後面個d細細條發光魚, 我屋企個魚缸都有, 估唔到佢地都有份展出, 哈哈!!
我最鐘意睇企鵝, 佢地傻更更咁o既樣, 好可愛!!
內面仲有呢個......俾d小朋友去玩下水~~
再去埋個Tower, 呢到賣點唔係最高乜乜乜或者幾秒上到最頂,
只係可以睇晒呢個Olympic Park住相同埋一覽Montreal景色咁,
高165 metres, 成45度角而建。
而我覺得最搞鬼係, 由於係45度角,個部lift係打斜上ga喎,
仲要係為左俾大家一邊上一邊面向Montreal景色而上, 所以部lift係倒後行!
**佢係有分時段開放, 以免太多人塞係到啦~~
原來個Biodome 上面睇係咁ga wor~~
正所謂「人衰行路打倒褪」,
撘緊呢部打倒褪lift時, 就有對說廣東話的夫婦 + 佢地個仔同行,
個老公同個仔都正正常常冇咩點,
反而個女人呢, 嘈之巴閉, 正一煩膠一名!!
如果我唔識聽都話之佢,
最慘係佢勁大聲, 我又句句都聽得明,
搞到咁八掛o既我就不其然分心, 唔可以好好專心欣賞下美景!!! 哼~~
連鬼仔問我, 佢講緊d乜野話, 我都話唔識,
費事被人誤會同佢一group。
佢由撘lift到上到頂層去睇風景, 再到行過d賣紀念品店 (係頂層個到o既正中心), 都未停過口!!
一路睇一路彈, 一時又拎呢到d景同其他地方比, 一邊又要多多意見發表偉論。
Hi 你Aunt丫!!! 煩到呢......真係想一野由個塔頂撞佢落街!!!
去到睇D紀念品又話「我係XXXX到都買左個咁o既啦!」佢老公同個仔都冇佢咁好氣,
你講一樣個款野, 淨係人地上面枝國旗都唔一樣啦,
想搵個人名鎖匙扣, 但連Alice同Alex都分唔出, 就咪係到扮勁啦!
**此女好記仇, 成個月前的事都咁記得**
No comments:
Post a Comment