頭頭碰著黑

終於返到香港, 但完全不順利~~

臨去機埸之前, 我地先發現鬼仔架車竟然被人偷晒D車軑,
痴線ga真係, 短短8個鐘咋!!
唯有拿拿聲截的士去機埸,
由於鬼仔都要報警同搵返保險公司所以我地只可短暫地say goodbye~~ (諗起都眼濕濕)

之後, 成程機去到韓國都冇得訓,
因為隔離坐左個問題男子, 說國語的,
佢其實好有禮貌ga~~
但係好似有d問題, 不停係到自言自語, 同埋無神神大笑(!!)
訓著左都被佢嚇醒!

最PK係, 我返到香港撘完巴士再撘的士回家,
我竟然大頭蝦到漏左個電話係的士,
因為當時好黑, 我個袋同電話殼一樣色,
以為自己塞中左入去, 點知返到屋企搵唔到,
唯有打返俾自己但已被人熄左,
仲要我個部冇裝到追蹤(!)
又布記底的士車牌同司機名~
唯有怪自己大頭蝦啦~~

唉~~估唔到我同鬼仔做左同命鴛鴦, 齊齊報警,
希望都係破財擋災啦。

屋企個電腦又神左, 依家要繼續用notebook,
好煩!!

我個電話用左7個月咋, 嗚嗚......