Kssel - 一起行山去

趁著又在飛前一定要咬實牙關打完德國之旅（澳洲呢？嗯。。。有緣再寫）

對不起，由於暫時只能用手機打，

巡blog回覆晚點，我指如果家中電腦成功開機的話。。。

事不宜遲，去片：

呢一日德國仔放工後帶左我去附近一個小鎮,
個到仲可以行上山睇風景,
幾好feel ga。

從Hanau到Kassel

上次德國行最後一站-- Kassel。

因為早幾日先買左車票去Kassel,

由Hanau去Kassel好似只有ICE的火車,

而且我遲買,所以都比較貴,

如果早d會平少少,承惠 35歐但唔洗轉車。
 (我係由Hanau HBF --> Kassel-Wilhelmshole車站)

好彩個日友人唔洗返工,

可以送我去車站, 因為原來的個班車又delay仲要轉埋月台,

又無英文顯示, 只有德文,

友人見到後帶我去正確月台上車, 送我走了。

呢樹不時會見到呢d單車@ KASSEL, 好cute。

繁忙生日月

十一月是我的生日月,
所以忙著跟朋友們吃吃吃吃了很多的生日飯,
也收到很多禮物和祝福,
真的很感恩!!

呢間法國餐廳成為了我跟小友LUNCH的大愛

Hanau -- Philippsruhe Palace

再唔講埋呢個德國之旅,
我都唔知拖到幾時~~

尾二一日在Hanau, 

L今日決定帶我去呢樹的地標 - Philippsruhe Palace...

個皇宮都幾大, 但由於晏左出去又約左佢媽咪食飯, 

所以我地都係無入參觀, 係外面的公園行。

新加坡三日兩夜 (下)

係咪以為自己對眼有事呢?? 我又打BLOG啦!!!
因為好難得今日個電腦無神到, 拿拿聲打埋個新加坡之旅,
如果唔係就聖誕都未打到XD。

最後一日係新加坡,

但我同個妹都係第一次去旅行旅到咁想快d返香港,

唔係話新加坡唔好,

但呢個地方又唔係特別好,

總之就不過不失。

新加坡三日兩夜（中）

前一晚輪流去廁所直至清晨，

個肚勁空虛，

立即換衫出發去牛車水（定Chinatown?)，

搵野食，去食架央。

新加坡d道路規劃真係幾好ga。

新加坡三日兩夜(上）

報告下最近近況丫，

早排篤篤下見到新加坡機票好抵，

個妹又由澳洲同台灣返來了，

我地又未去過新加坡，

於是就去三日兩夜 (反正聽親D人去新加坡都話好悶野玩 :P)，

再book間好少少嘅酒店 。

酒店房的街景 -- 消防局 & 教堂

有人話去三日兩夜太少，

但，我就覺得夠晒皮，

而且短期應該唔會再去。

等我!!

近日生活...


無諗過由兩星期前掛住約幾點行山，變成一有時間就約人「幾點去金鐘？」「聽日佔唔佔中？」。點解，好似成星期都無開懷大笑過？但一見到隻狼上電視發表講話就覺得要堅持。


當你成2個星期都只好似憤青咁淨係留意佔中新聞同埋去佔中, 個人係勁無精神同心情吃喝玩樂時......俾你成朝都聽住D同事淨係掛住討論上星期五無線膠劇大結局係會有少少唔耐煩! 到左佢地好"理性"地分享由電視新聞見到的佔中消息, 再以「唉...唔知呀, 總之依家好亂啦!」同埋「其實依家咪有得一人一票囉, 唔明佢地做咩要粱振英落台」之類的說話....... 真係好拿想大叫「你識條春咩?」北韓夠一人一票啦, 只不過人選得金正恩之嘛! 明未呀? 但我都係壓制自己情緒留返啖氣, 一笑置之。 其實我同佢地年紀都唔係差好多年O者, 點解會有咁嚴重O既代溝?? 佢地都有D都有仔女, 我好難想像再下一代的香港人會變成點?


第一次與同齡的"異見"人士交手，竟發現被unfriend了(!!) 其實我有我支持佔中，你有你反佔中又好撐警又好。況且，我都有警察朋友/舊同學，我都同警察無乜仇口，亦知道佢地打緊份依家會被人仇視同好耐無休息的工。我只係唔滿意政府同無真普選。唔洗狂send咩片段俾我地睇，口舌之戰又有咩謂？ 我會繼續支持爭取民主自由，亦請你尊重自己，尊重別人吧！


其實, 我下星期要去旅行但乜春都未check....

其實, 我都好想去玩, 好多戲想睇, 好多野想買...

其實, 我都好想巡blog!!!


等我回來!!

九月狂"相"POST

又久違了的BLOG,
唉, 離開上一間PK公司之後已經好耐無試過咁忙。

雖然法國人公司唔興OT,
但就唔知點解, 由朝NON-STOP咁做野到晚,
(註: 好專心, 無上網無搞無聊野無篤電話個隻)
每日放工就心力交瘁連機都唔想開。

呢一個星期好少少, 因為上司回來了 (之前佢身體有事, 請假了兩星期, 我孤軍作戰),
其實好彩之前仲有Manager係到睇住,
唔係我真係一舊雞咁啦。
要刷餐勁的慰勞自己~~

媽咪整的雞煲, 正!

參觀法蘭克福消防局

呢一日要同友人一樣早起，

為避免爭廁所，我再早少少起身，

一齊食埋野就跟佢工了。嘿嘿！

因為友人係老師,
而個日係佢負責的一班搞outing，

起參觀法蘭克福消防局，

問我有無興趣， 我當然有！
**呢D唔係平時你話想去就得嘛,要申請ga~ 依家有得扯衫尾, 當然痴住去。

一班只有九至十歲的學生，

係火車站集合，居然無人遲到，

有好多都唔需要家長帶自己識去，真係獨立。

**呢一日其實我影左好多相,但

係朋友話因為未得到家長批准,

我不可以公開學生的相,

所以我只放幾張無人的相, 仲有呢張背影。

獨自遊法蘭克福 -- 隨影 (下)

行完Stadel museum,
我就再沿河邊過橋返去河的對面,
一路行行行, 去左另一個我想去的地方 -- GOETHE HOUSE,
歌德故居。

見到當天幾多雲嗎?

氣溫約12'-18'C 

密密食

返左新公司之後, 因為有朋友都係附近做野,
間唔中都可以一齊食,
而且最近法國公司同香港老細都陸續訓暑假,
亦即係我地的暑假,
因為無咁多野做嘛。

早兩星期, 法蘭西西人腦細放暑假去,
大家除左提早了出去用餐+SHOPPING埋先返來 (註: 係每天喎)。
除左每日無俺雞籠地彈性食飯加shopping外，
有日竟然仲無聊到一齊開Youtube睇美少女戰士(!!) 
而我, 都可以一邊做野一邊塞耳仔聽歌,
連我自己都不禁覺得有少少過分。

真係密密食野,

一個星期當中有成四日我都食左日本野,

食到有D驚..哈哈! 

呢間有D貴, 但不錯 

獨自遊法蘭克福 -- 隨影 (上)

琴晚L教左我點由屋企去火車站同點樣買飛去法蘭克福all day pass，

一朝早，佢已經返左工了，而我呢慢慢嘆了個早餐，

再沖涼換衫出門口。

路痴如我，今次居然無蕩失就去到火車站。

（是咁的，之前係巴黎的第二天明明法仔已經帶過我去兩次屋企附近的車站，

玩完了一天返到去我都唔記得點返屋企，喊住口咁要佢接我回家，

而佢來到車站係超無奈地話：Come on!! you are directly looking at my home! )

就係咁我覺得自己好叻（！）

德國篇-- 遊古堡

星期日, 中午同L等埋佢媽咪來,
一齊煮野食...... 應該係, 睇佢地煮野食!

佢地話呢個時候的蘆筍最好食,

一定要俾我試下, 仲要煮埋德國菜, YEAH!
可惜, 煮完野食後僗媽咪發現個去水去得好慢,
原來個渠塞塞地,
要聽日叫人來整啦。

高的煲煮蘆筍用, 肥的在煮DUMPING

Weekend market @ Hanau

有朋友問我點解唔去埋柏林, 慕尼黑, 科隆??
因為無朋友係個D地方無得痴飲痴食嘆世界嘛! 死未??
老實講, 我今次來的主因係二月兩個德國朋友來港後而驚覺好耐無見L,
L係一個非常Sweet又Caring的女仔,
年年生日, 聖誕節都有寄野來, 當然我都有寄野俾佢。
之前每次佢見到我去旅行都會話: Next time you should come to Germany.
講左咁耐...... 成七年都無實行, 今次我一定見佢。

由於佢係Hanau住, 係格林兄弟的出生地,
再轉戰另一德國朋友仔個樹, 因為又係格林兄弟住過的地方,
我好鬼想去一下呀!!!
就係咁咪變左童話之路囉......

轉戰德國

於巴黎的最後一晚, 法仔又問我去德國幾多日,
我話兩個星期左右啦, 佢又話: not fair!! You spend more time in Germany! (!!)
我話: Trust me, you won't want to have me for one more week! haha...
佢話我係到一D都唔阻佢地,
仲話我not a hard person to living with.

仲千叮萬囑我離開的時候要叫醒佢,
因為個日係星期五, 佢地兩個都要返工,
我又要倒塔咁早早起, 其實都唔係好好意思。
不過, 我梳洗完罕有地見到佢Roommate已經係到食緊早餐,
有可能係因為佢太興奮可以擺脫我, 唔洗日日返來做煮飯公。XD
問我有無野要幫手搬去車站, 我話無啦, 我自己一個搞得掂,
因為我先得一個20"喼同一個手袋的行裝同一件JACKET(!!) <--係咪好驚訝??

**三個星期先用一個20"細喼, 講緊係有冬夏季衫, 著一對帶兩對鞋 (去玩靚鞋+睡拖),
五套底底, 洗衣袋, 晾衫掛架. 洗頭沖涼化妝品, 藥盒, 護膚品, 風筒, 插蘇乜鬼都有, 嘿嘿。。。佢地個個見到都嘖嘖稱奇架!**

我唔明點解兩隻法仔見到我個藥盒會狂笑! 好明顯未食藥囉....

之後我執埋最後用完的野,
佢沖完涼又問我幾時會返來巴黎先返港?
我話我直接由德國走喎,
但希望不久的將來會再見到佢,
於是佢"懶依依不捨"咁俾左兩個Bisou 我。
我入房剿醒埋法仔, 眼屎都未捽乾淨的佢,
訓到慒盛盛咁同我講GOODBYE再俾兩個BISOU我,
話記得一定要再來巴黎。

十二蚊店買物記

唔知大家會唔會好似我咁間唔使都喜歡蒲下12蚊店?
因為佢d野唔只平, 有時仲好實用,
好似我之前去旅行都係個到買左d藥盒做我的旅行藥盒,
仲買多一個放飾物(計我話去旅行都要靚),
再買多個洗衣袋, 因為去人地屋企洗衫用嘛!
最近我又去了久違了的12蚊店,
唔只掃自己野, 仲有貓貓野tim!

呢隻野買左返來唔夠一分鐘已經被Baileys連鼠帶棒一野搶左出來,

得返個粉色野痴住係地下, 白色以上被佢咬住, 追左九條街先搶得返,

由於佢早前有吞了一條冷之後排返出來的經驗, 我最後都係剪鬼走晒d羽毛,

驚佢地又再吞落肚丫嘛!! 

巴黎隨影 （下）

我都唔知原來唔覺唔覺係巴黎都影左不少相，

無計，鬼叫個到景靚。

北京女孩走後, 

一個人行街多左陌生男人同我講野,

例如行行下街, 撘撘下車都會有人同你講: 

Tu es tres jolie!! <--難得有人讚要大隻d

(開心屎我!!)

點解北京妹係到時無人Show?

我估好大原因係因為佢好鐘意翹手,

曾經有外國朋友同我講,

女同女拖手或翹手好易被人當同性戀。

就係咁, 頭幾日無靚仔show之外,

仲要每日行足7-8個鐘, 辛苦到喊。

我之前仲好白痴咁網上訂了對新boots去旅行,

又, 圖片只供參考, 對boots原來都幾高,

著住佢行足全日都幾係野。

所以最後兩日終於可以訓晏d,

同埋hea遊囉~~

巴黎隨影(中)

比起一日去好多個景點o既快餐式旅行,
其實我更喜歡hea遊,
隨心所欲亂行一通,
行到攰就坐低飲杯野。

雖然有個伴係幾好,
但始終要人夾人,
係巴黎最後兩日,
我都係一個人四圍行。
因為北京女孩比我早離開法國,
轉戰歐洲其他地方。

七月頭

七一, 我竟然去了遊行,
其實我同友人都係第一次去,
以前我都無諗過自己會對政治咁有反應,
第一次係反雙非(當年我表哥個女準備出世, 眼見港人身受其苦),
第二次係反國教,
再加埋上上星期五阿"那星"單野後,
咁夾硬都有, 同強姦有咩分別??
實在太令人氣憤!!

好多人睇到電視播咩就信咩,
見到d議員同上街人士的行為就話人搞到香港立立亂,
阿婆阿伯係鬧長毛同癲狗o既同時,
唔會知道佢地當年就係為佢地爭取加乜乜金物物金。

巴黎隨影(上)

今晚法德戰, 手背又係肉, 手掌又係肉~~叫我點揀??

言歸正傳, 由於係巴黎有好多相都要等北京女孩Send返o黎,
所以相都不算太多,
Share一下代用Cheap機亂影o既相啦, 哈哈!!

今朝風日好!!

呢棵樹真係好靚~~

巴黎小確幸 -- 出外靠朋友

剛Update完又有新post,
係咪以為我撞邪呢??
剛剛睇完法蘭西多士vs尼日利亞,
又未夠鐘睇下一場, 所以就打一篇啦!! haha~~

五月去了法德, 第一站是去巴黎,
幾年無去巴黎了,
對上一次係第一次同鬼仔去旅行,
其實本來無諗住去......

話說之前去台北時,
有晚小友同佢法藉打令講電話時掛住睇電視,
於是將個電話Pass俾我同佢男友傾左陣(!!)
因為我都識佢男友, 又見我學過法文 (勁屎個隻),
所以佢對我印象不錯掛?
講講下, 我話我就快辭職啦,
話會去德國探下朋友,
佢二話不說話來歐洲如果我去巴黎可以去佢家住!!
有得慳酒店錢, 我當然卻之不恭啦! hehe~~~

五月初, 佢來香港探小友時又再見面,
本來佢打算帶我去佢家鄉玩兩日,
但最後佢因為之前放完大假,
公司多野做, 佢連星期六日都要係家中on duty。
(好慘, 佢有晚明明去朋友家人玩, 個client一個e-mail,
佢零晨兩點仆返屋企做到四點。邊個話法國人懶??)
我都唔好意思煩到人, 我大個女啦! 識自己搵節目。

每日玩完返屋企都有人煮埋我飯, 邊到搵咁筍o既room service?

份量好少嗎?? 幾時都話我 eat like a bird! haha~

破財 + 喪食

開始工作一星期,

公司多假不突止,

而且法蘭西工作文化唔興OT,

幾乎6點半前就閃晒人。

回家玩貓就最過癮, 兩隻衰豬大得好快

NEW START

小別一個月, 我又回歸了,
2014年果然宜動不宜靜。

法德小遊三星期,
電話於巴黎被偷,
但竟然可以很冷靜地處理,
而且用我「嚇死人」的法文報案(!!)
唉, 畢竟是自己一時不小心啦!!
所以係巴黎的相片沒有很多,
待在機上認識一同遊玩三天的北京女孩傳回給我吧!
反正旅程的所有而印在我腦海裡。
(家陣用住細妹的舊iphone4S, 因為佢買了5S!! 嗚.....)

旅行前夕

雖然已習慣一個人旅行行走江湖,
但其實以前每次落地後都有人同我玩,
唔洗擔心咁多,
但係, 今次落機後要自己去友人屋企 (因為友人返工),
又要自己搵節目, 有d唔慣tim。

是次旅行, 只係帶細喼, 因為要搬o黎搬去,
如何將幾個星期o既衣物個人用品都塞入個細喼呢??
友人send左呢條片俾我:

真係好厲害呀!!

但完全係不適用於我囉!!

放假

跟大家報告一下行蹤 (雖然無人想知),
我三月已辭職了, 剛剛已Last day,
開始正式放假!

現正準備去旅行事宜, 但除訂左機票外, 乜都未搞,
(唔係同鬼仔去, 因為已經分開了)
未諗景點, 未check地方點去 XD,
反正都係單人匹馬去玩, 總之唔洗訓街就okay了,
旅行之後再搵工, 從新出發!

近日生活。。。

上一個星期行左今年夏天前最後一次山,
行左半元荃古道 (即由深井落),
由於之前成日落雨, 延完又延,
拖拖下已經天時熱,
當日最高氣溫28'C。

三月回顧

三月玩失蹤, 除左因為我加入貓奴行列之外,
仲因為我又掛住去玩,
早兩個星期, 我又同幾位朋友去行山,
原本只想行下大尾篤兩粒星難度, 三個鐘小時的路程,
但一開始就行錯左, 變左行八仙嶺+鶴藪(!!)
一共行左六個幾鐘, 難度約4粒星 (我會俾十粒)。

大人駕到

大家好,
我又失蹤左一排,
因為家中有大人駕到!

係邊水???
之唔係就係我兩隻貓大人囉。

去玩，永遠最落力的 (完成版)

係開始墨爾本之旅前,
(嗯.....我要報告一下近況。)

成個二月, 我都係去玩咁滯,
因為新年去玩, 團拜去玩, 仲有德國朋友來港又去玩......
上星期, 我有8日都係夜歸(!!)
救命! 好耐未試過連玩咁多日,
但有得去玩, 我係來者不拒的。

呢間酒樓晚市搞到好似去飲咁, 食物okay但份量太少 

新年馬上飛去墨爾本

我終於返o黎啦, 其實都落左機一日多d,

但長途機真係好攰ga,

又要執返好d行李, 

所以都未得閒整理d旅行相,

今日就短短地打住一篇啦!

**係咪好cute呢??? 我買俾表哥個女ga!! 佢依家認得表姑姐啦, 佢地仲話團拜個日B女問我個妹"吹泡泡o個個去左邊?" hehehe...... 咁有我心, 抵我買禮物俾佢!!  但去旅行又好鬼驚買到made in china o既野, 好彩!! 揀d個樣無咁靚o既就無死啦, 呢個不是made in china喔!! 呵呵~~**

新年快樂！

新年快樂呀各位！ 祝大家馬年身體健康，心想事成，萬事如意！
今年新年又唔係香港過， 不過亦唔係去見鬼仔， 而係去尋親呀。 家陣我就係吉隆坡等轉機，好彩有wifi用，可以同大家於blog中拜個年。 因為今次出發好急，而且趕收爐最近都好忙， 所以一直未有時間update。
等我巡完blog有時間再講啦啦啦啦～～

新年新挑戰

今年一開年就做了幾件突破o既事,
例如同幾個朋友組織左個行山團,
希望今年大家一齊做多d運動,
去左行青山, 都幾辛苦,
因為我地平時行開1粒星難度o既,
呢個就有3.5 粒星(!!)
但上到山頂, 覺得都值得!

背影.....懶cute戴了兔仔耳

2014年第一篇

(遲來的) 新年快樂!!
祝大家新一年事事順利, 身體健康!!

估唔到又一個月無update過個blog,
因為12月實在無咩動力,
唔如意的事不停發生;
加上又病了兩個幾星期,
先係腸胃炎, 再來大感冒,
唔想為大家帶來負能量, 係到呻呻呻, 幫助唔到,
情緒低落時要一個人冷靜下。

仲有, 聖誕節至新年o既假期好多活動,
可以好好玩下, 亦無時間上網。