鬼仔近日的新歡

上個月我收到屋企人寄俾我o既包裹,
入面竟然仲有 --  耳。屎。挖。 乙枝(!!)

自從收到呢一枝耳屎挖之後,
鬼仔o既世界變左 (真誇張)。
作為一個認為耳仔污垢係會自然流出o黎的老外,
(佢地興用噴霧劑o既潔耳)
佢屋企連Q tip都冇, 更加話連耳屎挖呢樣咁偉大o既發明都未見過。
(我初初幾日洗完頭冇Q-tip用真係唔慣, 即去買呀。)

我教左佢點用之後, 佢不知覺得幾咁神奇 + 舒服,
依家三日唔埋兩日就見佢拿住枝耳屎挖new得不知幾開心。嘿嘿~~

耳屎挖我同我d妹都好鐘意用ga,
我個妹連去澳洲working holiday都帶左一枝去。
又, 我地都覺得木造o既耳屎挖係最好用o既,
所以我呢一枝都係木造的,
返香港時我會留返俾鬼仔。

另外一樣亦都係鬼仔的新歡,
就係上星期二佢買左個部新Laptop,
星期四到左啦,
由一個陽光笑容的靚仔速遞員送上,
只可惜, 我當時以hea爆家居服示人,
個頭似亂草,
唉唉唉~~真係樣衰到核爆!!!

之後鬼仔都成日痴住部Laptop, 哼哼哼~~

最後一樣, 鬼仔依家好鐘意係每個廣東話後面加上 「啦」字,
佢認為一加左「啦」字就等於係完整句子,
例如: 沖涼啦/ 好味啦/ 唔該啦/ 多謝啦/ 花灑啦等等~~
真係被佢笑鬼死我!!
*****************************************************************************************************
題外話, 琴日 (即香港的25號晚)一起身, 我成個面書都勁多人share左一張相,
仲以為咩事咁巴閉?? 以為又係CY潛建啦,
點知原來係一張床起係馬桶上o既相,
我第一眼睇都未得閒睇內文,
以為係咩"宜室宜居有辦法"D蝸居tim, 點知再睇.......
原來係香港兒歌天后為家庭傭工度身訂造ga wor!!!
嘩~~真係痴線ga, 呢個套房o黎ga wor(!)
張床係屎塔上面, 真係連IKEA都冇佢咁有creative啦。
點知條友勁kai咁放左將解釋呢個"美麗誤會"o既相上微博,
但轉個頭又被人發現相中工人坐緊個將張係佢自己o既,
好心俾多少誠意換左張床單先啦!!
定係個廁所其實係佢自己訓, 工人先訓佢張床呢?
定係佢地兩個一齊訓呢??

其實我細個係電視睇佢已好憎佢ga啦,
先唔講佢個專容, 我覺得佢d兒歌好煩好膠, 真係好乞人憎!!
估唔到咁衰格, 1800尺間屋都唔俾間正正常常o既工人房人地。
我想像唔到冬天時沖涼後o既濕氣 + 開大之後o既臭味,
點可以訓覺ga???

之後我有朋友話佢試過有客人搵佢地設計屋企,
間屋都係好大ga, 但個家庭傭工竟然要訓係櫃(!!)
傻的嗎?? 乜佢個工人係叮噹o黎ga咩???

有時真係唔明點解d有錢人, 有錢得o黎咁衰格, 咁刻薄ga!!
我係個工人唔只俾經血湯佢補身, 我諗連特製朱古力蛋糕都有份。