搵下有冇粽食o既, 因為佢未食過,
點知我地兩個都係懶懶閒咁, 冇出到去Chinatown, 哈哈!! (真係旨意我地一成都死)
冇出Chinatow又咩做呢??
緊係睇波啦, Spain vs France,
本來打算唔睇ga因為實力差太遠,
雖然, 睇得出法國都唔係hea踢, 但佢地真係冇咩team work,
基本上冇左施丹之後O既法國都係唔多掂, 呢D係咪叫青黃不接??
前面個幾條友成日好似等個波埋去咁, 得Ribery一個仍然鬼上身一樣, 好駁!!
我諗佢係我欣賞的唯一一個唔靚仔o既球員!!
西班牙的巴塞式打法仍然係將個波猜來猜去, 玩死法國仔仔~~
我覺得如果班法國仔仔佢地做多d遠射可能會控制到個埸面多d, 有機入返一粒, 不過都係算鬼數啦!
唔知法國隊返入locker room有冇開片呢???
除左睇波, 因為夏天開始左啦, Farmers market都開始了,
鬼仔話呢樹開始逄星期六朝早七點至下午一點都會有Farmers market,
等d農民可以拎自己d作物出o黎賣~~好新鮮ga!!
我地星期六都有去, 但唔知係我地太遲起身(12點先出去),
定係呢個夏天剛剛先開始呢?? 所以唔係咁多農民擺賣,
得4,5檔, 冇咩好睇~等我仲擔心冇帶相機影下tim,
有賣花, 賣瓜菜, 賣芝士, 賣包同賣菇o既, 一眼睇晒。
鬼仔話遲d會愈來愈多ga wor!!
雖然係咁我地都有d斬獲ga, 就係呢幾樣野喇:
但鬼仔依舊係燒到隻雞黑麻麻, 好彩我唔食皮o既o者。
星期日, 由於鬼仔自從上月漏低左對跑步鞋係佢爸爸屋企之後就冇去跑步成個月,
本身已唔係瘦, 仲冇做運動, 佢覺得自己肥左好多喎!
所以, 依家拎返對鞋, 就重拾跑步習慣啦,
而我呢?? 平時係香港都唔會跑步, 只係每日係屋企跳下繩同做下d小運動o既o者,
但依家係美國, 好耐都冇跳繩啦, 我都好驚肥左!!
於是唔理三七廿一, 琴日兩條友晨早去左跑步(!!)
雖然跑得唔係多, 斷斷續續跑了約半個鐘(!!)
但出左身汗真係舒服d, 正!!
又, 由於星期六個埸波, 鬼仔睇左西班牙入第一粒波之後就訓著左,
醒返就睇到第2粒啦(!) 仲起身話: so I missed nothing(!!)
就係咁, 為免佢再訓著搞到唔想出街,
我地星期日就去左一間愛爾蘭酒吧睇波+食野,
真係好, 難得呢間野個老細同部份客都係睇波之人, 呵呵呵~~~
朝早燃燒左的卡路里又即刻補充返了, 真係把鬼。
下星期都係去多d散步同跑步啦~~
England vs Italy, 身為香港人有戀英情意結,
緊係要支持下England啦,
由於兩隊都勢均力敵, 最後要加時不特止仲要玩埋射十二碼。
鬼仔又話悶到嘔啦(!!) 唉~~
但其實我覺得都緊張ga wor,
因為互有攻勢, 只係攻極都唔入, 陰公豬!!
不過, 老老實實, 我覺得論全場攻勢, 意大利贏係實至名歸!
(但不論係意大利定英格蘭, 下埸都唔會係德國對手! 係呢個時候我女比利又要上身啦,
要不停為Protugal同Italy加油!! 嘿嘿嘿.......)
我睇波, 鬼仔做乜??
玩電腦囉, 哈哈~~
後生打壞真係特別虧,
平日少做運動, 跑幾跑已經feel到腳瓜好痛啦,
但唔知點解次次俾鬼仔按摩完之後都仲痛過之前,
依家周身痛冇丫!!!!
No comments:
Post a Comment