(有冇主持人feel?)係我開始殺入Montreal之前,
我又要插隊講下無謂野。
上星期本來打算只留2日1夜的鬼仔,
人家一早買飛等佢睇演唱會佢都唔記得,
激慶家姐呀佢, 所以都係留多幾日陪下佢家姐同爸爸,
可以tum返佢。
今次連佢家姐個男朋友都有去, 仲好難得請左兩日假一齊去玩。
(因為佢家姐男友係另一個城市o既天氣報導員, 平時好難請假)
我冇份去睇James Taylor唔緊要, 反正我都冇聽開佢D歌。
星期五, 我地去左睇Baseball game,
其實, 我對baseball冇咩認識,
淨係以前學校PE堂玩過下一次,
成堂大家都唔知要做咩, 跑來跑去走壘,
成班攰到死死下。
本來去到門口我地打算買飛,
但有個大隻佬叫住我地問我地買左飛未,
鬼仔家姐擰擰頭, 個大隻佬即刻俾左4張飛我地,
仲唔收返我地錢tim!!!
免費野, 我地最o岩ga 啦~入埸可以飲多杯啤酒!!
冇睇開, 兩隊都唔識, 但佢地支持個隊 -- Evansville Otters 嬴左!
個埸唔係好大~~
同好多節目一樣, 如果想買啤酒, 就要出示ID card證明你成年, 佢地就綁條咁o既野俾你, 唔洗次次買都出示ID crad啦!
佢地成日話我睇的足球係 -- unwatchable (!!)
我就覺得baseball都唔係好好睇o者,
可能個日o既比賽唔係好勁, 不太精彩,
不過, 第一次睇, 咩都好新鮮, 順便睇下有冇靚仔球員同靚女啦啦隊咁~~~
呢隻好似吉祥物o既野, 佢件被對手超多汗同臭(!) 點解我知?? 因為同佢握左手囉!
不過成30幾度著到咁, 你都咪話唔陰公~仲要跳晒舞懶開心~~
呢條友好高大~~
除左一開始前大家企晒係到唱國歌升旗 (唔識唱夾下口形),
一路比賽都仲有好多歌搞下氣氛,
d老外好投入ga喎, 首首都唱同打晒拍子, 所以氣氛幾好。
而我覺得最搞笑係, 每一個回合中間,
換另一隊球員落埸時都會請d小朋友玩下遊戲俾大家睇, 娛樂下咁!!
其實都幾白痴同bullshit!~~
例如: 有條友拿坐好大個Doughnut紙板, 俾個細路拋d波波入去,
而個細路係可以拋5次, 5次都唔中ga, 笑鬼死我!!
又例如, 搵兩個細唔著到咁互撞~~睇下邊個跌底先!
呢個 -- 一個細路向後拋波, 俾另一個接住~~又係5球都冇球中!!
仲有呢個, d姐姐倒水落兩塊野佢地就跣過去, 睇下邊個遠d!
勁無聊~~10個回合, 打到第9個先分到勝負,
成足足3粒鐘!!
淨係中間食左一杯雪糕(因為好熱),
餓都餓死, 我地即刻去左食pizza,
都幾好食ga!!
因為鬼仔家姐係食素o既,
所以我地自己都就返佢多,
食少左肉幾日, 好似健康左。
Scout: 分d魚俾我啦喂~~
丫, 有日我地煮魚,
佢家姐隻貓貓係咁望住,
(隻貓叫 Scout -- 係美國一本小說 "To kill a mockingbird"的角色名)
個眼神好似求你分一d俾佢咁,
所以我地都分左少少俾佢...嘻嘻!
Scout: 你地食緊乜呀???
Scoutl 俾我啦!!
Scout: I want fish too, please~~
No comments:
Post a Comment