回到芝加哥

HELLO!!! 荒廢BLOG業成個星期有多,
皆因我同鬼仔上星期趕去了佢舅父屋企個pool party,
佢舅父間屋好多地方都係自己一手一腳裝修ga,
個日係佢個泳池重新裝修開幕, 所以約埋成班親友去玩,
間屋勁似之前高清台節目「奇形怪宅」d屋企。

可惜鬼仔身手已不及當年, 唔可以再做海豚啦~
我地同佢家姐, 仲有成班大細路 + 佢親戚o既小朋友一齊玩一米彈板跳水~
明明係鬥玩深水炸彈, 多水花,
結果我每次o既水花都最少, 唉~~
可能我壓花做得夠好喎!!
可以諗諗代表香港參加奧運。

來也匆匆, 去也匆匆,
係佢舅父屋企留了一晚就走人。
鬼仔開車成10個鐘車去加拿大(真係辛苦晒鬼仔),
係加拿大玩了一個星期,
剛剛才回到芝加哥,
聽日開始記錄返自己係加拿大去左邊樹,
仲有就係追睇返各位blog友o既post啦! 哈哈哈~~

坐左咁耐車, 個pat pat好攰~~早抖先! 請呀!!

************************************************************************
有不少朋友都問我點解去美國唔去LA同NY,
首先, 我要重申, 美國唔係淨係得LA同NY,
芝加哥都係美國第3大城市,
由於我只係暫住係芝加哥,
一個東一個西, 而我係正中間(!!)
 所以要去LA同NY都好遠。

第二, 其實我都想去LA但鬼仔似乎不大興趣,
我總不能逼佢ga嘛, 加上個到都好遠, 撘飛機去好貴 (暑假嘛),
撘火車同自駕遊都好耐, 鬼仔今次假期不長,
所以我地都唔想去咁遠啦, 去到先玩得二, 三日。

第三, NY這個地方我是如無必要都唔會去的,
由於我因工作關係長期對住D紐約人, 令我對呢個城市極為反感。

於是, 趁呢個美國國慶假期, 我地決定衝出美國,
北上去加拿大。

以前冇諗過去加拿大,
因為細個聽d人講: 阿邊個邊個去左加拿大坐移民監!
加上成日聽人講個樹好悶,
所以就好低能咁以為「移民監」 = 悶到好似坐監咁。

但由Chicago去Tonorto 才7小時,
之後由Tonorto去Montreal又才7小時, 唔錯!!
我地兩個都好想去Montreal,
所以只留係Tonorto 三日兩夜,
Montreal五日四夜, 抵玩。

就係咁出發前幾晚先去訂酒店(!) 開始hea遊~~