Bonsoir Montreal!!!

呢幾日都係鬼仔家姐到過,
得閒玩下貓咪, 同佢屋企人睇下球賽, 玩下board games,
趁依家有少少時間, 講返去Montreal之旅先~~

由Toronto殺入Montreal, 自己開車約要7小時,
中途都停左去洗車, 入油, 飲下咖啡, 鬆鬆筋骨咁,
所以都okay, 負責開車o既鬼仔就辛苦啦。

終於殺到入o黎啦~~~

講起Montreal你會諗起d乜呢??
我第一時間就會諗起 --
1) 法文
2) Celine Dion (因為佢係呢到Notre-Dame Basilica結婚喔!! btw, 佢係加拿大人o黎ga,
記得以前有法文老師問我地識邊個法國歌手, 有同學答左佢, 個老師即刻懶激動咁更正佢,
仲話加拿大o既法文同法國o既法文有少少唔同tim!!)
3) 華裔小姐 <-- 因為成日聽到d港姐/華裔小姐都係來自蒙特利爾, 所以都幾想見到d靚女哈哈!

原來Montreal大有來頭,
中文譯名又叫蒙特利爾, 或者又可叫作滿地可 (<--但我覺得呢個名好SEVEN!
試想像下次志偉介紹 「跟住o黎o既呢位佳麗, 來自加拿大o既滿地可!」用志偉腔讀出, 你會點??)

回正題, 除左係Quecbec最o大既城市之外,
仲係繼Toronto為加拿大第二大城市。
雖然Montreal的原住民係印第安人,
但由1642年至1760年俾法國統治.
又於1763年因為英法戰爭後為英國管治,
所以呢到係世界最大o既雙語城市喔。

就係咁, 係法語世界入面, Montreal僅次於巴黎的法語城市,
故Montreal又有小巴黎之稱。
以前都聽人話過Montreal就好似另一個巴黎喎!!
而且學法文時, 作文功課不外乎叫你寫下Postcard/ 信呀, 俾你D朋友 (要講返法語地區o既), 通常就會提到Montreal。
之後就要kai kai 地扮晒野話我上個月去左Montreal呀, 呢到點點點點咁,
日後再執起書包學法文時可以唔洗老吹了,
不過我法文仍然係小學雞程度(甚至不如), 應該寫o黎寫去都係個d表面野。

但去完Montreal, 我覺得拎呢到同巴黎比簡直係侮辱左Montreal!!!
點解??? 因為我覺得呢到d人做野唔似法國佬咁懶懶閒,
始終北美地區D人好有效率,
而且, d侍應同d人又唔會好似巴黎個d咁成日咁有性格"西口西面"(!) <--聰明o既人先睇到我寫乜!
仲有d設施都比巴黎先進。
(對唔住, 我法國的朋友會殺了我嗎???)

當晚去到都差唔多8點啦,
所以我地放下行李就去醫肚~~
呢個餐廳好好, 佢話我地得兩個人,
如果想試多d, 可以揀3-4個菜, 佢地每樣俾細細份我地食 (價錢比每份叫平D),
就唔洗驚食唔晒啦~~超好食呀~~食到好飽, 正!

呢隻係法蘭西的啤酒 -- Kronenbourg 1664 Blanc (上面個片不是Lemon, 是橙)

呢個龍蝦, 好好味! 但我就唔鐘意Mac & Cheese, 好肥肥ga嘛!

左邊是鴨, 右邊是八爪魚

好飽都可以刷多杯甜品, 女仔個肚係有甜品格ga, 哈哈~~

我地酒店附近條街好靚, 好似有d咩活動,
但冇留意係咩, 因為太肚餓(!!)

好耐冇見o既跳飛機, 我好似幼稚園之後都冇見過......

係酒店仲拎左呢本旅遊指南,
有英文版, 又有法文版, 好野!!
因為我地都冇咩計劃行程, o岩晒我地。

有講景點, 有簡介, 講埋入埸費同邊個車站落, 幾正!!

仲有晒地圖咁~~

又有餐廳介紹~我地食完先知原來個晚食o既餐廳都有出現係呢杠指南到。

仲有一樣野...... 登登登登~~~

呢張用途跟八達通一樣, 我地買了 兩人三日任用 (計過只有3日係會用到地鐵)
記得留單呀, 因為張卡有事要show返俾佢地睇幫你搞ga,
鬼仔個張一買左幾分鐘就要整啦, 真係黑仔!

同Chicago的地鐵一樣, 呢度不論你撘一個站或十個站都係一樣價錢,
所以都係只雖入閘時du卡, 出閘唔洗。
(我初初o黎芝加哥時都唔慣, 次次出閘都想拎定張卡出o黎, 哈哈!!
希望返到香港拎卡時手腳慢左唔會俾人話啦。)






Blog友們一定會話: 講咁多野都係未入打行程, o者係廢up。

***********************************************************************************************************

抵達Montreal當日都係美國獨立日,
我地係酒店睇新聞, 美國都有人上街ga,
又係個99%, 雖然我對佢地冇咩好感,
但佢有佢上街o既權利。
只係我實在不明白「反資本主義組織」的概念+思想,
難道佢地覺得生活o係中國, 北韓, 越南, 老撾同古巴的人很幸福嗎???


好啦, 睇怕呢幾日都冇咩時間打blog,
祝大家周未愉快, 下星期再會!! 請呀~~