不過我行左廿分鐘, 望住綠油油的草地, 再望望係捧場練習場的俊美少年打波(!),
望望下我醒起, 呀...... 我朋友之前生日都陪唔到佢過,
佢最近成日話要搵返Jane Austen的書喎,
於是我行前左少少去間二手書店,
丫~~~真係俾我搵到喎! 仲搵到埋另一本tim, 一樣咁新淨, 即買!!
有一本可以據為己有!!
之後又諗起, 前排有朋友叫我幫佢搵下一款新出o既美容產品,
我反正都唔洗行好遠, 於是回家前又去CVS行下啦!!
一入去, 目標就搵唔到, 但買左幾樣自己o岩洗o既野!!
呢款mascara電視成日賣廣告, 新野喎, 買來試試先~~
曬黑左, 以前鈕意的指甲油色都唔o岩我, 呢個淡淡地好o岩我依家的膚色!!
唉~~本來已經唔係白o既人, 仲要好易曬黑 (唔會甩皮又冇斑斑個隻, 係即變黑個種),
o黎左美國, 自夏天起就不時暴露於陽光底下 (因為呢到夏天短, 佢地鐘意食飯時坐露天, 搞到我食晒甜筒),
加上自從上次去完鬼仔uncle個pool party我曬黑了不少, 有個bikini印(!) 成個泰妹咁,
再去完加拿大, 由朝到晚都係太陽底下行來行去,
就算有用sunscreen都冇用,
曬左多個短褲+領位印(!!)
雖然我不嬲都唔係白o既人, 曬黑我唔怕,
反正由細到大年年夏天喪游水, 從未白過,
除非過左好耐無曬我就會白返啦( = 阿媽係女人),
但依家一截截色, 我成隻斑馬咁!! 好樣衰~~
去到CVS喪搵有冇美白的body lotion,
hi你丫~~竟然10枝有7枝都係強調可以令膚色更tan (=__=),
另外3枝就賣點for dry skin..............
一枝whitening 的都冇。
**無計, d老外絕大部份都鐘意曬黑, 難怪d洋妞好多都成身雀斑~
好無奈~~
不過我都買左枝for dry skin的, 因為呢樹好乾, 我舊個枝就用完了。
行完一輪, 即返屋企沖個凍水涼~~
**琴日仲俾我行過戲院, 反正冇野做, 我今日下晝一條友去睇蜘蛛仔啦, 等得鬼仔得閒陪我去睇都蚊訓!
No comments:
Post a Comment