因為佢住個到開車去都幾近。
去Kentucky當然唔係去食KFC啦, 哈哈~~
我地去左睇賽馬。
其實睇賽馬係其次, 佢家姐最想係去睇賽狗!!!
咪鬧住, 唔係個賭錢又冇人性咁訓練D狗個種o既賽狗~~
想當年佢家姐就係因為去左屠場睇睇見人地殺牲,
所以毅然決意成為素食者,
因此, 佢好愛護動物ga。
今次我地去睇一個叫Weiner Dog racing o既賽事,
係由一個慈善機構搞ge, 等D狗主帶自己隻狗仔落埸跑下,
你俾錢去買邊隻狗仔會跑嬴,
嬴左冇錢ga喎, 但可以得到該機構o既狗仔tee一件,
係咪聽到都想要呢??? 哈哈哈哈~~
唔要都唔緊要, 當做下善事啦!
就咁睇呢個埸, 都幾細,
而且D包廂都好流, 只係有個牌話XXXX公司/人物,
除左坐前D之外, 一樣係坐個D硬鐵椅, 坐到個PAT都痛丫~~
而且個日落雨, 佢地都幾慘~~撇雨嘛!
o黎過香港馬埸o既鬼仔就讚我地個馬埸超大, 超靚同好有規模!!
緊係啦, 要多謝所有輸過錢o既善長仁翁喔!!
呢D就係包廂, 但背光睇唔到! =___=
話之佢係的盧定係脫兔, 我就亂咁揀!! 哈哈~~
唔識睇都有彩數, 就好似我唔識打牌又唔識鋤Dee,
但次次都撞彩會嬴ga, 唔洗學啦!
我個日就人生第一次, 買左一場,
我買左幸運數字 -- 7號。
之後鬼仔話可以買佢跑第幾, 又或者揀多一隻買邊個第一, 邊個第二喎!
但, 反正都係亂買; 而且, 學唐唐話齋...「我係唔會跑唔嬴o既比賽」<-- 類似係咁,
所以, 我決定要買佢跑嬴第一丫!!
就係咁, 買左USD 2.00, 最後我嬴了 USD 5.00,
鬼仔同佢爸爸就買左幾埸都冇斬獲!! 哈哈哈哈~~
呢一份就係馬經~ 我就係買左 USD 2.00 -- 7號啦!!
睇唔清可以落去下一層, 企位又有, 坐露天又得~~
我地o既重頭戲Weiner dog racing有幾埸,
但我地只睇左兩場o者,
個d狗仔好cute仲好活潑,
成班都唔知自己賽緊跑,
d主人出盡法寶引佢地都冇用。
隻隻一出閘就喪走, 有d衝前 (正常) 但有d四圍走, 有d兜圈, 有d走埋出埸,
有兩隻仲打起交o黎, 真係笑鬼死我!!
小狗們準備入閘啦~~
開始未???
主人們拎住晒玩具引佢地~~
我買左o既5號小狗, 全埸最細隻係佢, 叫Chole, 一開跑已經唔知飛奔左去邊,笑到我傻~~哈哈!!
No comments:
Post a Comment